洪朝豐狂躁症下創業輸光7位數積蓄 回望患情緒病經歷：開始沒那麼厭世
曾經係電台DJ嘅洪朝豐，近年不時喺社交媒體發文。去年洪朝豐發表以《再會了》為題嘅散文，寫道「永別了，我的朋友，我的心情，你不會知道。」及「再會了，三千大千世界」，令外界擔心洪朝豐嘅情況。後來洪朝豐再次發文澄清，並為文章引起揣測致歉。
洪朝豐近日再次發長文，今次係回望半生患情緒病經歷，承認曾經厭世，以及睇完一本書之後令佢改變嘅感悟 －
我今年65歲。曾經厭世。狂躁症第一次於39歲爆發，幾佰萬終生積蓄拿來做生意，3個月賠精光。當時正跟女朋友鬧分手，由於言語激烈，給社會帶來大炸彈。6年後，因為不聴醫生吩咐，私自停藥，結果精神紊亂，進了醫院精神病房。
我母親患上失智症17年。令我非常痛苦。最後幾年，完全認不到我。直到她逝世7年後，我才接受了她的逝去。於今，她已離開13年了。
另外，我的性取向曾讓我很迷惑。
57嵗，我做了舌癌手術，之後發一粒音，都是一塲戰爭，我喪失了嗓音。我原本是一個電台DJ，幻想𥔵性，亮麗，厚實的嗓音，可以做到老年。
由於服了25年鬱躁症藥物，我的手會抖動，緊張時抖得厲害。過去一年，還得了焦慮症，心莫名會慌，感覺緊張，不安。心慌時，手抖得更厲害，手抖得厲害時，心會更慌，惡性循環。
生命充滿苦難。生命是草，間中有些微野花。
最近，我看了Dying to be me 這本書。印度女作家在瀕死中，「選擇」回到人間，因為想將愛的體會告訴世人。 我開始沒那麼厭世，也沒經常想這課題。我想，如果上天仍然留我在人間，一定有什麼等我去做，我只要耐心等待。
It’s ok to have sufferings 。我終於知道。
文章吸引唔少網民留言，當中好多人都係同洪朝豐相識一場，包括舊街坊、創作比賽參加者，甚至係啟發洪朝豐喺電台節目製作同志特輯嘅書籍作者。
洪朝豐以一把靚聲成為90年代當紅DJ，1998年喺新城訪問寶詠琴時擦出火花，其後高調公開戀情，但未夠一年就分手收場。「洪寶戀」一度係城中話題，分手後更演變成罵戰，洪朝豐更多次謾罵寶詠琴，更揚言「一隻手指捽死佢」，同過去溫文爾雅形象大相逕庭。後來洪朝豐承認患有情緒病致言行失控，一度要入院治療。2017年洪朝豐因為舌底發炎而求醫，後來證實患上舌癌，需要切除部份舌頭及接受電療。
原文刊登於 Yahoo 娛樂圈
ADVERTISEMENT
😋請你嘆香港迪士尼20周年下午茶👇立即登記👇
