滕麗名老公朱建崑被炮轟壓榨員工 。
現年49歲的滕麗名2013年與圈外男友朱建崑（Matthew）結婚，二人於泰國蘇梅島沙灘上舉行浪漫婚禮，多年來都非常恩愛。滕麗名老公朱建崑任職日資公司香港總監，近日，有一名自稱是朱建崑下屬的網民，在社交網點名公開鬧爆朱建崑壓榨員工，逼放工後training無「補水」。
現年49歲的滕麗名於2013年與圈外人朱建崑結婚。
成為Threads熱話
該網民以網名「i_hate_ot」在Threads發文，並寫道：「Canon香港總監朱建崑（Matthew Chu），滕麗名老公。Canon本身返工時間已經夠早，要8:30打卡。你以為夠早可以準時收工？ 朱生話唔想「浪費」員工日間工作時間，搞咗晚間收工後training，必須出席。明逼你OT，仲要無補水。」網民續指：「training完之後佢仲話『日後會再加多啲夜晚training』，仲話要發問卷問大家有冇人真係唔鍾意夜晚training。要人打份寫字樓工射足12碼。Canon文化培養社畜。你哋嘅『唔浪費時間』，根本係浪費緊員工嘅生活、健康、家庭。打工唔係賣命呀！呢份工我唔做就梗架啦，但唔做都要揭露你地係點壓榨員工。」
帖文一出後，獲不少打工仔熱烈討論，並表示：「員工唔可以愛回家，得佢老婆可以愛回家...」、「training無錢去勞工處啦」、「叫東張揾愛回家訪問佢」、「你個post幫到好多求職者避雷」、「Training無人工好似犯法，要比高過最低工資？」
ADVERTISEMENT
立即更新/下載AM730手機APP 體驗升級功能
