林超賢指《激戰2》會在明年初開拍，透露《激戰2》會以《激戰》原班人馬開拍
林超賢新戲《蛟龍行動》昨日（7日）舉行好友優先場，好友張家輝亦有現身到場支持。林超賢和張家輝接受訪問被問到《激戰2》開拍進度，張家輝表示：「我哋一直都發掘題材，都好難諗。大家都有啲猶豫，直到佢講返《激戰》，好似一直都無諗過，因為當年《激戰》都造就咗好好嘅氣氛，亦鼓勵好多人內心深處，所以如果做《激戰2》係講勵志、熱血方向，我哋亦會快速投入到。但相對地，我做嘅挑戰係更大，因為《激戰》迴響太勁，所以要突破並不易。」
林超賢與張家輝合作無間。(林奕釗攝)
張家輝唔願操肌純靠AI
林超賢指《激戰2》會在明年初開拍，透露《激戰2》會以《激戰》原班人馬開拍，亦會加入新角色，暫時預告彭于晏有份參演。張家輝被問到是否已在操肌，他說：「我交畀彭于晏，我今次純靠AI。」講到為什麼不願意操肌，他坦言：「人嘅嘢，有時年紀係好大問題。彭于晏做到，佢之前做過，點行點走佢自己識架啦。」
ADVERTISEMENT
立即更新/下載AM730手機APP 體驗升級功能
