羅嘉良12歲女兒驚喜現身演唱會合唱 網民：兩父女笑容一樣
羅嘉良近年將工作重心放於內地，太太蘇岩則淡出幕前，專心做家庭主婦及照顧正喺英國讀書嘅12歲女兒Sela。日前，羅嘉良於廣州開騷，大唱多首經典劇集主題曲，滿滿回憶殺，但都唔及女兒Sela現身合唱咁驚喜。
女兒Sela同時熱愛唱歌跳舞
羅嘉良曾透露女兒Sela遺傳咗佢和太太嘅表演天賦，同時熱愛唱歌跳舞，但對於女兒會否踏入演藝圈就有保留，認為要睇緣分，先學習，學完再諗其他嘢。今次演唱會，Sela就驚喜現身與羅嘉良合唱《紅日》以及獨唱一曲；當羅嘉良介紹Sela出場時，現場觀眾大喊：「假的」，直至羅嘉良再確認時先起哄拍掌，羅嘉良形容女兒：「12歲，她是剛剛從英國，因為她剛剛去英國讀書1年，28日飛回北京，接著她的媽媽立即帶她來到廣州，因為她要來支持爸爸。」Sela直言「很害怕」，一開始佢表現有啲緊張，但喺羅嘉良帶領下愈戰愈勇，羅嘉良又喺每次唱到「我願能一生永遠陪伴你」時都會望實及輕搭女兒肩膀，眼神充滿溺爱；及後Sela於獨唱時更狀態大勇，不但唱出水準，更舉手帶領歌迷一齊揮手。
羅嘉良亦有喺社交網站上載合唱影片，並留言話：「謝謝Sela來支持爸爸的演唱會，一首父女版的《紅日》 祝你們家庭美滿，蒸蒸日上！」網民留言大讚Sela聲線好，又指佢長得好似爸爸羅嘉良：「笑容跟他老爸一模一樣，太甜啦」、「Sela好可愛，小小年紀一點不怯場，太棒了！」、「雖然不專業有些稚嫩，但其實聲線蠻好的，不知道是不是愛屋及烏，因為喜歡羅嘉良好多年，所以第一次看到他女兒就特別的順眼特別喜歡」、「挺好看的，像爸爸也像媽媽」、「12歲很好了」、「長得很像羅嘉良，身材也高挑」、「星二代全部到位」、「女兒很像爸爸」、「長的好漂亮！像爸爸！畢竟撈家那麼帥」等等。
原文刊登於 Yahoo 娛樂圈