羅毓儀希望多些情侶檔工作。（娛樂組攝）
羅毓儀（Yuki）今日到旺角出席美容中心開幕，沐浴在愛河之中的Yuki明艷照人。問到她與林俊其是不是在《女神配對計劃》大結局當日即拍拖，她坦承是，並謂很開心可以如願。
父母想見林俊其
問到會不會見家長，Yuki稱有打算在中秋節帶林俊其回家跟父母見面，因為父母對他亦很好奇，暫時印象都很好，「佢哋覺得林俊其高大靚仔，好乖，佢哋都好想知佢真人係點。」她稱男友的父母在廣州，所以暫未跟對方見面。
唔會限制對方拍親熱戲
談到他們拍拖之後，有沒有要求對方不要拍親熱戲，她表示沒有：「因為我哋都有拍呢啲戲，大家又係幕前，都知要為事業搏殺，唔會為咗愛情而影響工作。不過，佢有講過見到我拍過嘅親熱戲會呷醋。」她笑謂自己有特別翻看他在《黑色月光》的床戲，但感覺不大。
Yuki不反對在劇中演情侶，問到親咀會否不方便，她直認有：「真係唔方便嘅，尤其是大家企喺度嘅時候，如果佢烏低少少呢，我哋就掂唔到。」
上節目有兩個目的
問到他們會否像曾展望、葉蒨文般以結婚為目標，她表示雙方也以結婚的大前提下努力儲錢。談到她早前透露，原先是陳瀅參加節目，及後再三了解應該是執戴祖儀二攤，「嗰時印象中係出咗poster，有戴祖儀份喺小紅書見到，自己就覺得好可惜，後尾節目組又搵我，好開心。（本身好想參加？）我冇諗過參加嘅效果，一來香港好少呢類節目，二來自己都好有心想搵另一半，知道有呢個節目嘅時候，有啲公器私用嘅感覺，可以兩全其美，所以好有興趣參加。」
談到監製指李芷晴等未能配對成功，要跌落第二季，她表示有聽聞，但不知道是否真事。她坦言五個女仔成長了不少，而且互相見證大家的愛情萌芽，自己就想成為花生團。
ADVERTISEMENT
立即更新/下載AM730手機APP 體驗升級功能
