羅金榮今日（16日）在尖沙咀舉行《 羅金榮第1次自己話是演唱會2025 》演唱會記者會。（娛樂組攝）
羅金榮今日（16日）在尖沙咀舉行《 羅金榮第1次自己話是演唱會2025 》演唱會記者會，喜獲好友黃子華擔任神秘嘉賓宣傳是次個唱。羅金榮接受訪問分享黃子華驚喜撐場的感受：「有聽過大會安排距離佢會嚟，其實之前佢生日都有見過，同埋都有食飯。」提到黃子華早前傳出疑有新歡，被問到是否曾經見過對方，他說：「呢樣嘢我就冇留意。」講到會否希望邀請黃子華擔任演唱會嘉賓，他表示：「佢今次嚟到演唱會撐我，我已經好多謝佢，盡量問吓佢個期到時得唔得，如果話請佢上台唱就未必啦！因為佢好似訪問講喺公眾場合唔會再唱歌。」
羅金榮喜獲好友黃子華擔任神秘嘉賓宣傳是次個唱。（娛樂組攝）
重提街頭busking險遭淋鏹水
至於當年曾經在街頭busking險遭淋鏹水，他回應：「係真㗎！我記得嗰陣時係7:30鐘開始，有一次我去到地鐵站一出，已經聽到有人話淋鏹水，原來就係我唱嗰個位，如果嗰陣時7:30之後淋鏹水就會中咗我，我諗都會受傷。」他繼續指事件是2008年發生，並表示：「我記得嗰陣時啱啱行人專用區開始冇幾耐，有一個叔叔就同我講我嚟咗之後就少咗好多收入，佢要我每一次開檔都補貼$200俾佢，因為我都敬老。」他透露當年警方有向他詢問是否有遇過淋鏹水可疑人物。
羅金榮透露當年警方有向他詢問是否有遇過淋鏹水可疑人物。（娛樂組攝）
回應蘇永康吸毒史被翻舊帳
提到蘇永康陳年吸毒史被翻舊帳，原計劃10月初在溫州舉辦演唱會被迫取消，他回應：「好可惜，其實呢啲過咗咁多年嘅事就唔需要再提起，如果大家有睇Big Four嘅演唱會蘇永康把聲係好好，狀態好好。其實唔需要拎以前嘅嘢出嚟講令到佢受到損失。他繼續指網上世界實在有太多Hater，並表示：「本來有一件事係好好令到大家開心，一個集體回憶咁樣又終結咗，我希望唔好再有呢啲事情發生，有咁多負面嘅嘢。」被問到會否發訊息慰問蘇永康，他則表示不希望騷擾蘇永康，不過會全力支持他。
