羅霖率領一眾亞姐師妹行catwalk，更找來趙浚承唱歌，為仁美清叙籌款。
「仁美清叙」榮譽主席羅霖、主席程瑤，近日率領一眾亞姐高田、朱千紅及張文婧，與《中年好聲音3》歌手趙浚承，出席於尖沙咀麗晶酒店舉行《第8屆亞洲國際品牌節頒獎典禮》，為仁美清叙的社區項目籌款。席上羅霖、程瑤齊齊行catwalk，趙浚承則獻上好歌。
羅霖、程瑤兩位好姊妹相隔多年再度攜手踏上舞台，一起穿上名媛蔡加敏設計的時裝，並戴上藝術水晶飾物，踏上舞台行貓步，眾人舉手投足令現場閃光燈閃過不停。趙浚承更即場獻唱他參賽時的歌曲《Forever Love》。
羅霖享受籌款助人
雖然久未上舞台行catwalk，不過羅霖與程瑤似乎未有半點生疏，羅霖直言︰「現場看到很多認識的朋友，如置身一個派對，所以行catwalk時都增強信心，加上今次係為慈善籌款，所以係好享受呢個舞台！」
至於模特兒出身的程瑤則表示︰「以前都經常為亞姐擔任行catwalk導師，今次好開心同羅霖及一班師妹，齊齊為慈善出力，仲可以同型男Gary合作，以前有留意佢參加比賽時表現，覺得佢唱歌好好聽，現場聽更加無得頂！」今次慈善演出，掀起全晚高潮，最終獲善長捐出5位數字善款，用作支持「仁美清叙」，即將舉行的中秋敬老及社區活動，與公公婆婆渡過一個開心節日。
ADVERTISEMENT
立即更新/下載AM730手機APP 體驗升級功能
