布子、Michelle、Andrew，演繹李克勤medley《一個人飛/失魂記》。
昨晚TVB播出的歌唱節目《聲秀》，最高分組別是屬於譚耀文組的布子殷(布子)、蕭凱恩(Michelle)、胡港豐(Andrew)演繹李克勤medley，獲得91分好成績。排練初期，Andrew因要到奧地利參加音樂比賽，以致排練期間一波多折，但無阻3人好好合作決心，Andrew即使面對時差困難、仍keep住緊密與組員聯繫，並將自己的「功課」錄下send給譚哥comment，相當認真。
到表演時，Michelle彈奏鋼琴並以靚聲開埸，配合Andrew低沉的男聲，加上布子清澈的歌聲，3人完美和音、令隔籬組的蘇永康亦忍不住「俾手指公」譚哥，並大讚3人：「你哋嗰種和諧，3個人嘅聲音，冇乜花巧嘢喺度，但係大家都拎個心出嚟唱。」又大讚譚哥：「你知道佢哋嘅優點喺邊度，我覺得掌聲係（屬於）阿譚嘅。」
3人是次表演值得留意的地方時，當唱到高潮位時，全場7位導師同一時間「噏頭」以表認同，最終3人獲評審高度評價，T-Ma：「好detailed，個個人點綴嘅位同vocal control 都非常之好」、「你哋連和音都有輕重。」嚴勵行：「Feel到三個人係做緊同一件事。」並大讚Michelle：「我之前都聽過你唱歌，你嘅進步真係好大x2，非常之感動。」舒文亦盛讚：「三個人加埋多過三。」
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
