鍾舒漫在《聲秀》擔任導師，坦言自己亦學到不少東西，包括與年青人溝通。（娛樂組攝）
鍾舒漫、菊梓喬連同應屆得獎香港小姐昨日（20日）出席慈善晚宴。鍾舒漫近日忙於擔任真人騷《聲秀》導師，與3位學員長時間相處。提到吳浩康被學員林錦興指他當眾侮辱，她說：「我會覺得係人夾人，有時未必係人問題，但夾埋一齊就係唔夾。對我嚟講，做番自己要做嘅嘢，俾個心出嚟，個學員可能唔喜歡，個方式唔唔啱佢，都無得迫。」
問到她的學員有沒有一些夾不來的情況，如未能做到她的建議，鍾舒漫表示自己的學員比較乖，會交足功課，亦樂意接受她的說話。她說：「其實佢哋肯當我朋友，因為我係打開俾佢哋，佢哋係信任我，但同時佢哋唔會話我係佢哋朋友，可以為所欲為，我每次同佢哋講番個表現，佢哋都認真聽。」
鍾舒漫表示今次擔任導師，自己獲得不少經驗，學習如何當一個導師。她稱自己一直都懷疑自己能力能否勝任，但一路走來又發現自己開發了不少技能，學會照顧小朋友，如聆聽他們的心聲、陪伴、心理輔導，了解他們的世界及日常。她發現學員比較缺乏自信，因為他們的表現會被網民批評，自己以過來人身份開解他們。
她坦言自己的學員是平均年齡最細，她說：「我嘅學員係15歲至17歲，原來同佢哋溝通係有啲困難。依家仲學習當中。佢哋呢個世代唔係點覆機，可能我個年代係覆唔到機都會俾個反應，但佢哋係唔回應，喺佢哋個世界係『睇咗，知道』我開頭諗佢哋有冇睇呢，係好得意。」
鍾舒漫笑謂自己學習跟年青一代相處，要習慣他們不應機。（娛樂組攝）
她表示後來發現學員們其實是收到她的心意，「佢哋有時隔一段日子就會send段長長地嘅訊息嚟！話知道我講緊咩，有睇我send俾佢哋嘅嘢，我都接受咗，哈！總之我有咩就照講！」談到如果3位學員日後入行會跟不同前輩工作，如己讀不回會予人沒禮貌的感覺，鍾舒漫指留意到有些廿幾歲的人也是這樣，相信這個可能是他們這一代的文化，大家只好融入，但他們見到是很重要的訊息是會回覆。」
ADVERTISEMENT
