馮熙燮(Ryan)獻唱《給你幸福 所以幸福》，被譽為是《星秀》最強選手。
昨晚TVB播出的歌唱大賽《聲秀》，集最強學員，是獻唱《給你幸福 所以幸福》的馮熙燮(Ryan)，獲得「四黃一紅(燈)」好成績，導師們給予高度評價，其中蘇永康(阿公)專誠為Ryan留起「王牌」紅燈之餘，還在Ryan唱了數句後即撳紅燈。
原來阿公早於海選時已對Ryan「一聽難忘」，還忍不住回家向太太大讚Ryan，當時蘇太的回覆是：「我都估到你鍾意佢。」阿公更以「靚布料」形容Ryan擁有靚聲，勁有詩意：「唱歌嘅技巧就等於一件衫嘅剪裁，剪裁可以變，但聲線同聲底就係嗰塊材料。我好喜歡呢塊材料，如果材料係好嘅，我想點樣剪都有個可塑性。」
其他導師亦對Ryan讚不絕口，泳兒：「你唔係嚟比賽，我覺得你已經係表演緊喇。」劉浩龍：「直頭有啲蘇永康嘅風格添。」說畢向右揮一揮拳，再笑問阿公：「嗰吓似唔似呀？所以係屬於你㗎啦。」阿公對此幽默回應：「佢型啲添！」
胡鴻鈞雖然同樣對Ryan情有獨鍾，但為人貼心的他，認為Ryan跟阿公會有更多得著，故決定大方「讓愛」：「呢個比賽應該focus喺學員，我會幻想你跟邊位老師得著最多，一定係阿公。」至於譚耀文則最搞笑，由於太投入於Ryan的演出，他竟忘記了要撳燈，但事後為了給Ryan一個讚，仍決定補撳燈，相當有趣。
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
