莊子璇自爆在真人騷節目《剪裁魔法師2》險被淘汰。(娛樂組攝)
TVB真人騷節目《剪裁魔法師2》昨日(21日)舉行記者會，作為「星級模特兒」的莊子璇都有出席，她笑訪時表示，在節目中會一改港姐形象，挑戰型格打扮，保證給觀眾驚喜。她自爆起初擔心無法配合前衛風格，試過失眠，過程中一度險被淘汰，「因為融合太多元素，我有少少打定輸數，因為有少少嚴厲，佢哋好中point講緊我諗嘅嘢。」
拍劇緊張似夢遊
談到首次拍劇《金式森林》在內地播出後，網民狠揩莊子璇的演技奇差，表情肢體都極不息然，令觀眾難以入戲。她坦言有看評論，「有唔好嘅地方就要改，其實入行第一年就拍劇，冇上過藝訓班，完全白紙一張去到片場，排常之緊張，從來沒試過咁緊張，有好多部相機影住你，（緊張過選港姐？）係呀！其實壓力大到有少少夢遊嘅感覺，因為我驚NG，會突然半夜醒，好驚Action，有啲恐怖，拍完再慢慢調節心態。」
人生大挫折
她坦言拍攝時已自知表現不好，但沒辦法即時改好，演技要時間慢慢浸出來，「其實係有啲沮喪，如果拍咗好唔滿意嘅場景，都會自己落淚，覺得點解做唔到。有評論都好，可以知要改善嘅地方，例如話我把聲，其實做嘅時候，都覺得把聲唔自己，但因為太緊張，控制唔到好高音，好多前輩叫我唔好緊張，但越講我就越緊張。」她形容這是人生的一大挫折，感到好氣餒，惟有從錯誤中學習，故此拍完劇後，報讀不同的戲劇課進修演技。
ADVERTISEMENT
立即更新/下載AM730手機APP 體驗升級功能
