曾展望(GM) 和葉蒨文(Sophie) 今日（13日）一起出席《善心滿載仁愛堂》記者會。（娛樂組攝）
曾展望(GM) 和葉蒨文(Sophie) 今日（13日）一起出席《善心滿載仁愛堂》記者會，他們接受訪問表示：「今次係我哋第一次做慈善嘅MC。」提到GM日前28歲生日，GM透露與Sophie一起拍攝搞笑視頻慶祝生日。葉蒨文則表示已經請了GM食飯兼且有送禮物。
GM透露與Sophie一起拍攝搞笑視頻慶祝生日。（娛樂組攝）
GM大讚Sophie感情專一
講到二人最近被捕獲銅鑼灣拍拖，GM回應：「其實我哋嗰日唔係去拍拖，淨係去銅鑼灣鬧區打卡，因為有啲粉絲整咗應援嘅大屏幕，咁啱我打緊卡嗰陣就除口罩，有路人就捕捉到呢個畫面。」至於二人會否拖手出街，Sophie笑說：「有嘅，不過唔會長期拖住。」講到Sophie的IG帳號只追蹤GM帳號，GM大讚Sophie感情專一，Sophie說：「我純粹淨係鍾意有幽默感，帶到正能量俾觀眾嘅男藝人，佢算係我偶像，所以我嘅帳號淨係追蹤佢。」她強調絕對不會介意GM社交網帳號追蹤關注其他美女。
GM被問到嫲嫲是否有催盡快BB，他表示：「冇咁快。因為嫲嫲已經有孫仔，唔會急住要曾孫，我有堂阿哥，所以嫲嫲都唔急。」葉蒨文指思考過這個問題，並表示：「本身都諗過會唔會冇乜幾多時間（年紀大），但現時科技發達咗好多，所以有咁多例子可以參考，我都變成冇咁擔心。」
ADVERTISEMENT
立即更新/下載AM730手機APP 體驗升級功能
