蔡思韵與劉俊謙感情穩定，自言不排除日後閃婚。 (娛樂組攝)
韓國女星鄭彩娟近日應品牌邀請來港，昨日現身金鐘太古廣場公開活動，同場還有蔡思韵、Marf邱彥筒、Nancy歸綽嶢、Kenji范麒智，吸引不少粉絲到來支持。
鄭彩娟重臨香港，今日與Marf、蔡思韵、歸綽嶢、Kenji一同出席活動。 (娛樂組攝)
蔡思韵近日忙於外地工作，將赴台宣傳新片《泥娃娃》，再轉往韓國拍攝新片，她表示：「之前去台灣拍劇，跟住嚟緊呢就要宣傳新嘅電影，係一套台灣嘅鬼片。其實我都驚㗎，因為我唔敢睇鬼片，但係我以為我拍嗰陣會好淆底啦，但係點知呢現場呢係好光猛，因為拍嘅時候現場要好光，後期再用電腦tune返暗，咁先至可以見到啲電影嘅細節位，所以現場好光猛，一啲都唔驚。」本身有信仰的她相信這個世界有黑就有白，談到為《泥娃娃》挑戰好多第一次，除了有拱橋演出，最開心就是孖男神楊祐寧合作，亦有睇過對方作品，例如《華燈初上》最為深刻。至於首次拍韓片，暫時未公開詳情，只透露該片只得她一位香港演員。
劉俊謙本月底生日，蔡思韵指男友正日不在香港，可能要提早慶祝，笑言應該可以「見一眼」。被記者問到兩人何時結婚？她表示兩人已有共識，不排除閃婚，一切順其自然，但暫未計劃生育。
