衛詩雅今日出席活動談起老公周祉安手術後留後遺症一事。 (娛樂組攝)
出爐金像影后衛詩雅，今日聯同柯煒林(Will)及林奕匡到中環出席品牌活動。衛詩雅提到醫生丈夫周祉安自爆身體曾出現問題，兩年前接受手術後不幸出現後遺症，衛詩雅表示現時仍未痊癒，她透露：「好可惜未好返，每一日都有唔同程度嘅痛。我哋都搵過好多方法，睇唔同醫生，依家佢個傷口都係『奄奄痛』。我哋又好忙，因為有兩場婚禮，佢都好叻，仲陪我去金像獎坐足成晚。佢係腰骨附近痛，我都有問佢使唔使出去行下。」
衛詩雅指周醫生現時需要食藥，表示：「其實都唔知點做，個手術係喺尾龍骨打好多支針，做完手術睇佢個傷口，我係心痛到喊，因為個支針係好似幼嘅筷子，不斷拮係同一個位置，好多，唔知邊一支針有感染就一直唔好。都好感恩叫行得走得，因為可以好嚴重，有機會截肢。(咩事做手術？)佢有次扭親，係一個止神經痛嘅手術，打一啲嘢入去咁，需要全身麻醉。」問到有沒有打算追究醫生的責任，他們表示正在考慮中，但交由老公自己決定。周祉安提到有像衛詩雅的老婆是三生有幸，衛詩雅就表示自己也是三生有幸找到對方。
