袁偉豪與張寶兒到中環支持古天祥的作品展。
袁偉豪(Ben)與張寶兒一齊到中環出席古天祥首個個人藝術展覧，亦是寶兒宣布再懷孕之後出席公開活動，但她未有陪同老公做訪問。袁偉豪表示跟古天祥已經認識了十多年，他透露自己初學電單車時認識，閒時也會在車聚上見面。提到古天祥的金屬雕刻非常有名，他表示有意拿手錶給好友雕刻。
袁偉豪與古天祥相識10多年。(娛樂組攝)
張寶兒妊娠反應大
問到寶兒現時的身體狀況如何，Ben表示太太今胎的妊娠反應比第一胎強，幸好已經踏入第二孕期，現在情況好了不少。他說︰「佢作悶作嘔嘅情況比較多過第一次！不過依家四個幾月、踏入咗第二個孕期，開始穩定落嚟。懷孕婦女身體狀況、口味每日都唔同，有時喺佢面前，佢話『我今日好似睇你有啲唔順眼！』咁我會話『好好！我執好啲嘢、換過件靚衫先！』日日都千變萬化。」
張寶兒懷孕4個多月，袁偉豪透露太太的口味及狀況天天都不同。(娛樂組攝)
BB好活躍
談到第二胎的性別，他就大賣關子，並透露再添成員是他們的計劃之內，亦很感恩上天的安排。問到會否再生，Ben笑謂要再看緣份。他又提到今胎的BB表現很活躍，每次產檢時都會見到BB遞手向他們打招呼。他說︰「袁咕碌嗰陣就每次都揞住半邊，但呢次BB每次照超聲波都遞起隻手，好活躍嘅！」
袁偉豪與張寶兒一早有計劃生第二個小朋友。(娛樂組攝)
教袁咕碌認識哥哥二字
他表示有向袁咕碌認識「哥哥」一詞，自己都不知道袁咕碌想要細佬還是細妹，只希望他慢慢學習做哥哥，並指寶兒很會教小朋友，所以很放心交予太太教導小朋友。
他稱因為要迎接新成員加入，由拒揸七人車亦要面對現實，「我成日都話唔會揸七人車、揸電車，依家都入咗局要換架七人車，方便佢哋返學，同埋出去都要拎好多嘢。換電車又可以慳番啲皮費。」
袁偉豪笑謂「入咗局」，現時要換七人車方便接送小朋友。(娛樂組攝)