林敏驄和伍詠薇在電影《觸電》演離婚夫妻，兩人嫌在戲裡沒親熱戲，即場錫番。(林俊源攝)
由林敏驄、柯煒林(Will)、陳穎欣(Yanny)、羅莽、伍詠薇、馮素波、ANSONBEAN、吳肇軒、蘇皓兒、盧慧敏和羅浩銘合演的電競題材電影《觸電》，昨日(14日)於尖沙咀舉行首映禮，戲裡演離婚夫妻的林敏驄和伍詠薇齊齊受訪，大放笑彈，兩人先從合作火花談到磨擦，再延伸到反轉巴黎鐵塔變巴黎屎塔，林敏驄連珠炮發的食字gag，連伍姑娘都差點招架不住。
獲伍詠薇讚真才子
林敏驄笑言兩人演夫妻毫無火花：「都冇磨擦點有火花？」伍姑娘和應：「冇錯！導演冇安排啲磨擦場口俾我哋。」林敏驄笑言兩人自己安排「火花」，對著伍姑娘說：「擦槍走火！妳擦槍、我走火！」伍姑娘口裡常罵林敏聰亂說話，經常被弄至哭笑不得，但她大讚林敏驄是才子，只是合作就很辛苦，「每次埋位對戲，都預咗佢唔會講返一樣嘅對白，佢會同你改晒、不過改得好漂亮精彩！真係才子嚟，要讚下嘅！人品嘅質素就撿討下啦，都咁大個人囉！」
林敏驄自認爆肚有分寸
林敏驄雖被投訴經常爆肚，但他強調，「改得嚟天花龍鳳都好，都係為咗個效果，改到最尾意思係冇改，因為編劇落咗好多功夫、原本劇本都好扎實！」獲伍姑娘大讚乖仔。
笑談羅莽失聯 去咗舞廳
轉過頭來，林敏驄竟無厘頭地讚伍姑娘的傻笑非常美麗，令他心臟離一離，被問到有否「失落於巴黎鐵塔下」，林敏驄一句神回：「巴黎屎塔就有，將佢個頭塞落巴黎屎塔到！」
談到羅莽師傅早前短暫失聯，林敏驄竟大膽開玩笑：「佢冇聽(電話)呀，可能去咗舞廳呀！電話接咗去冇聽，呢到係舞廳！」至於在羅莽失聯期間有否擔心對方狀況，林敏驄則表示：「唔擔心！佢有神功護體！(有冇切磋過？)切就有、搓就冇！」但亦表示關心：「我不嬲都好關心佢，唔駛陣間！」
爆笑談親熱戲
問到《觸電》可會開拍續集，伍姑娘笑言今集沒親熱戲而要再續前緣，林敏驄又大玩食字gag，：「母親好熱氣呀！你老母好熱氣！你老母過High呀！」讓伍姑娘高呼過火：「你多咗喇！我覺得你多咗喇！跩！」
林敏驄又開玩笑想伍姑娘「錫啖」獻吻，兩人拍照時更示範「互咀」，場面笑到失控。聰哥亦不忘自肥，找戲中女兒陳穎欣Yanny、演遊戲角色的蘇皓兒(Chloe)和盧慧敏(Amy Lo)合照，「梗係啦，你知呢到邊個話事啦！但係咁多女，我始終都企埋伍姑娘隔籬，佢始終最靚、靚得最耐，靚咗五十幾年喇陰公！」伍姑娘仍然接得住：「我上個世紀靚到依家㗎喇！」
ADVERTISEMENT
立即更新/下載AM730手機APP 體驗升級功能
