2025-09-23 20:00:00

觸電｜柯煒林撳「靜音掣」叫停ANSONBEAN 林敏驄爆肚指吳肇軒瘦到似賣棺材

林敏驄、柯煒林(Will)、陳穎欣(Yanny)、羅莽、馮素波、盧慧敏(Amy Lo)、陳毅燊(ANSONBEAN)、蘇皓兒(Chloe So)、吳肇軒和身兼原創故事、策劃、動作指導的羅浩銘等合演，港產勵志電影《觸電》已於上周四(18日)上映。導演梁國輝放周未和周日(率領眾演員走訪港九不同戲院謝票。

ANSONBEAN角色上身道具槍指觀眾

早前確曾患癌的柯煒林亦有現身部份場次謝票，精神奕奕，他分享道：「戲入面所有電競我都係呢部戲先開始學，戲中追求真實性，所以請到電競選手教我哋，唔使做嘢嘅時候就打機。」飾演Will電競世界化身的ANSONBEAN，以一身戲中角色造型亮相，更手持道具手槍，非常入戲，分享時用槍指向觀眾大搞氣氛，Chloe見狀即笑住叫柯煒林按下「靜音掣」去叫停他，非常搞笑。ANSONBEAN說：「我哋拍之前練咗一段時間，多謝銘師傅（羅浩銘）教導，拍嘅過程非常好玩、熱血、開心。」蘇皓兒說：「我拍攝前一、兩個月先開始學功夫，對我嚟講幾難，但睇到成品咁靚係值得。」在戲中擔任教練的吳肇軒笑指：「喺戲中係管理唔到驄哥，佢對白話我『瘦到似賣棺材』，都係埋到位先知，劇本冇。」

林敏驄隊冧對手超興奮

另外，導演聯同林敏驄、Yanny、ANSONBEAN、李玗蓁、梁雋彥及視覺特效指導梁仲文，前日現身長沙灣VR遊戲活動，與《觸電》觀眾一齊體驗虛擬實境射擊遊戲，眾人玩得投入，林敏驄笑言：「非常好玩，我都隊冧咗5、6件。我係第一次玩VR game。」當被Yanny問及遊戲一開始時有沒有頭暈，林敏驄則搞笑回應「有頭痕」。Yanny說：「遊戲剛開始時我枝槍射唔出，好嬲，如果唔係贏嘅一定係我。不過覺得真係好逼真，高位唔敢行。」