柯煒林呼籲觀眾：「唔好同我講加油，同我講『我買咗飛睇觸電』。聽到呢句我會開心啲！」(IG@willallwailam)
由林敏驄、柯煒林(Will)、陳穎欣(Yanny)、ANSONBEAN陳毅燊、羅莽﹑馮素波﹑蘇皓兒(Chloe)、盧慧敏(Amy)、吳肇軒及羅浩銘等合演的電影《觸電》，本周踏入上映第三周，雖然不少戲院僅有一、兩場放映，其中不乏天地場，但在網上討論度高，憑不俗口碑，累積票房衝破100萬。Will昨日(30日)在社交平台分享多張電影謝票照片及幕後花絮，他形容《觸電》是結合台前幕後和觀眾一齊打上去的力量分享打逆境波，他自言「每一次跌低，都係靠住呢份執著一步一步打返上去。一步一步，肯踩出嗰一步就可以。」
雜牌軍挑戰強者好熱血
柯煒林在IG發布《觸電》花絮照片和短片，其中封面照片是他拿著「Solo是否等於衰佬」的大字報，背景寫著「Just Do It」、「一隻手指就打低你」、「Sure Win」等打氣大字報。他寫道，「每套電影都有條命，《觸電》條命係唔服輸，係執著。係threads見到句commment『好鍾意雜牌軍挑戰強者一步一步打返上去好熱血好簡單嘅感覺。』我都係，戲入面係，戲外都係。」
戲裡戲外都執著
他續分享入行至今的心態，「一直以來，有得打波我就打，順境波我打，逆境波我打，總之有波我就打，落場後仲要玩得好投入。你話我戲入面邦少好執著？我戲外仲執著。每一次跌低，都係靠住呢份執著一步一步打返上去。一步一步，肯踩出嗰一步就可以。」
唔好講加油 更想聽到：買咗飛睇《觸電》
柯煒林又分享了在Threads看網民評論的短片，他形容，「今次最正係成條team想打上去喎，台前幕後連埋觀眾都想打上去，成件事幾熱血幾正。每一個share過《觸電》叫朋友入場的觀眾，我都當佢係我戰友，幾浪漫幾中二幾觸電啊！！最重要係套戲真係好睇。唔好同我講加油，同我講『我買咗飛睇觸電』。」聽到呢句我會開心啲。thanks che.manching ，無你無呢段字。嚟，上映第三個星期，天地場又好，少啲場次又好，總之有場就可以一齊打上去。」最後，他不忘問句：「你入咗戲院睇《觸電》未？」
ADVERTISEMENT
立即更新/下載AM730手機APP 體驗升級功能
