許冠文出席《馬時亨·獅子山精神》發布會，表示香港現時很需要獅子山精神。(娛樂組攝)
馬時亨、許冠文、黃金寶、閻惠昌等今日(9日)到新光黃埔出席《馬時亨·獅子山精神》發布會。大會播出預告片以及一條由AI製成的短片，見到一眾受訪者跟馬時亨一齊踏上獅子山。馬時亨表示做節目的原因是見到江旻憓在巴黎奧運反敗為勝，正正體驗了永不言敗的獅子山精神。他指有一部份嘉賓是親自致電邀請，而自己雖然不認識姜濤，但訪問後獲對方贈予唱片，自己便開始聽對方的歌曲。
香港需要獅子山精神
許冠文致辭時，回憶以前住獅子山下的往事，提到當時很貧窮，因此「為兩餐乜都肯制」，所以一定要捱得及把握機會，要學懂執生。他表示香港現時很需要獅子山精神，「個個話𠵱家行行都唔掂，但每當香港面對困難，揸住獅子山精神就次次都會過關。」 對於電影面對的問題，他指網上有很多免費影片，所以一定要製作更多「好睇到唔睇會死」的作品，並以《九龍城寨之圍城》、自己有份演的《破．地獄》作為例子。他坦言香港是大家的家，「點會話自己屋企唔掂㗎？唔掂都要搞到掂啦！因為呢度係我哋嘅屋企。」
許冠文表示香港是大家的家，「點會話自己屋企唔掂㗎？唔掂都要搞到掂啦！」(娛樂組攝)
一家人慶祝已好開心
許冠文早前迎接其83歲生日，他表示有跟家人一齊食飯慶祝，但未有跟許冠傑一齊慶祝。他稱現時生日不想搞大場面，只要一家人一齊慶祝便開心。他又呼籲希望大家可以支持許時亨，可以帶領香港走出一個新未來。他大讚許時亨的節目名改得好，因為香港現時很需要獅子山精神。他指香港是大家的家，大家要捱得、識執生，世界是困難了，但每一次都會過關。
特朗普性格好好玩
他最希望可以做幾部電影，盼在一、兩年內可以寫到劇本出來，現時進度有6、7成。談到他早前想以特朗普作題材，他指是希望用對方的性格去構思，「佢個性格係好難估到佢想點，佢係忠忠奸奸之間，我覺得好好玩。(有冇人選？)無！多數有自己參與先，但自己諗嘢諗到年紀太大，唔啱做主角。」
許冠文希望可以未來一、兩年拍到自己構思出來的電影。(娛樂組攝)
開戲要以賣座為大前題
問到會否考慮加入一個適合自己的角色，他說︰「如果搵個角色啱自己，個啲題材又唔賣座，自己年紀大，就只可以做年已大嘅角色，我唔會拍一部戲出嚟拎幾個獎又冇人睇。因為我係以賣座為大前題，所以我係想大路啲。咁辛苦諗過劇本出嚟，希望可以為全世界帶來笑話，唔係只係俾幾個人。」他稱自己如開戲會傾向找年輕演員。
提到馬時亨用將他及一眾受訪者AI化，他認為AI難取替演員，可以做背景，但演員不是人工可以做出來，比人工智能多了一點東西，亦是上帝所給予的，除非AI可以做到上帝的東西。
