許廷鏗與前網球及現役Pickleball「一姐」陳詠悠進行師徒表演賽。（娛樂組攝）
許廷鏗（Alfred）與前網球及現役Pickleball「一姐」陳詠悠今日到尖沙咀進行師徒表演賽。Alfred直認接觸過Pickleball之後，嚴重落坑，除了到不同地方打比賽之外，更考埋Pickleball教練資格。他稱因為現時常玩Pickleball，所以就算沒有節食，身型現在keep得住。
他稱稍後到馬來西亞打比賽，笑稱一直以後自己好勁，直至跟其他人較量之後，發現自己仍有進步空間。他坦言很開心找到運動生涯第二春，「十幾年前參加歌唱比賽前，我仲係踢緊波，校隊嚟，係我運動生涯第一次有啲成績，之後就擺低咗，但因為呢個第二春，所以身型係keep得住。」
Alfred表示自己仍視歌唱事業為一，稍後亦會準備年底開騷，只不這除了是歌手、牙醫之外，現多了教練身份。他稱稍後推出的新歌與運動有關，由自己親自填詞，「呢首歌係送俾一個人，大家會喺歌詞搵到個主人翁，憑歌寄意啦！」他口中的新歌相信是下周推出的《大空翼》。
問到他有沒有打算教好友欣宜打波，他表示最想捉對方打，但如果教欣宜打波絕不能收錢，因為對方會有辦法討回金錢，更笑謂就算她要學可能需要排隊，因為很多人找他打Pickleball。他稱欣宜現時正籌備工作，並透露對方的狀態OK。問到欣宜是否拍拖，他表示不清楚，但對方拍拖亦是很正常。
提到現時網民封MC張天賦、林家謙、姜濤及Tyson Yoshi做「新四大天王」，他說：「下？無我！諗下我啦！加埋我咪好！（你係前輩！）都係嘅，但可以諗下我囉，依家仲興呢啲朵？希望有日我可以進佔啦，或者加多個位，多個人多雙筷！黐線！哈哈哈！」
ADVERTISEMENT
立即更新/下載AM730手機APP 體驗升級功能
