《中年好聲音2》亞軍譚輝智今日（4日）出席《萬眾同心公益金》記者會。（娛樂組攝）
《中年好聲音2》亞軍譚輝智今日（4日）出席《萬眾同心公益金》記者會，他接受《am730》訪問透露今次會以歌舞劇的形式演出。被問到排練時遇到最大的挑戰，他說：「對我嚟講舞步係好難嘅，我又要顧住唱歌，我都克服緊。」
譚輝智回應退出娛樂圈想法。（娛樂組攝）
自爆入行心願最想做呢件事
講到正式加入《愛回家》，現階段的拍攝進度，他表示：「拍咗兩集已經出咗，而家再等通知。」講到拍攝期間是否有前輩親自指點，他說：「丹爺同埋豹哥特別會話俾我聽啲走位，同埋應該要望邊度。」他指與周嘉洛除了拍劇之外，私底下也有傾偈聊天。至於較早前接受訪問曾提到回應退出娛樂圈的想法，他說：「其實我係話假設，其實係講緊未來如果仲喺度就喺度，就冇話想退出。」講到入行的最終目標，他說：「最希望可以出到自己嘅歌，係我最大嘅希望，同埋我最想要嘅嘢，而家都做緊，準備出歌，自己都錄咗幾首歌。」
提到未來是否會計劃繼績搞旅行團活動與Fans見面，他表示：「都幾個月有一次，之後陸續都會有，可以去唔同地方，通常都係內地比較多。」他坦言最開始去旅行團曾經擔心過自己的表現，並表示：「而家都做咗六至七個，每次地方都第一次去，好多謝旅行社帶我周圍去，去好多平時唔會諗到嘅地方。」
立即更新/下載AM730手機APP 體驗升級功能
