賈曉晨JJ近照身形發福 露肩照被指媲美苟芸慧
現年42歲嘅賈曉晨（JJ），早年擔任模特兒工作，2006年參加TVB綜藝節目《美女廚房》勇奪「美少女廚神」冠軍，之後就被安排喺《味分高下》擔任「味之天使」，入行後獲得唔少演出機會，包括參與TVB劇集《缺宅男女》、《怒火街頭2》、《末代御醫》及電影《内衣少女》、《單身男女》等等。不過，JJ與樊少皇於2016年結婚，婚後育有兩名女兒「小飯兜」及「小飯團」，於是淡出幕前，專心照顧家庭。日前佢出席公開活動，雖然身形有少少發福，不過皮膚白滑嘅佢美貌仍然，仙氣滿瀉。
身形明顯發福不過美貌仍吸睛
日前賈曉晨出席公開活動，著上黑色露肩裝嘅佢，雖然身形明顯有少少發福，不過狀態超好，美貌仍吸睛。有網民將當日活動嘅照片放到社交網站，唔少網民紛紛留言大讚JJ嘅美貌，例如「JJ不營業太可惜了，她和苟芸慧真的是TVB現代裝和古裝都好看的大美人」、「好靚啊，一直都好靚」、「樣還是那麼靚」、「雖然胖了，但還是很美！ ！ ！ 」、「這張臉真是權威」及「豐滿了但是更有魅力了」等等。
原文刊登於 Yahoo 娛樂圈
立即更新/下載AM730手機APP 體驗升級功能
