賴慰玲跟傅嘉莉自《反黑路人甲》再見面。（娛樂組攝）
李居明大師策劃的新光黃埔影藝城一連兩日舉行開幕典禮，今日（17日）是「明星名人書畫攝影展」開幕禮，請來江美儀、傅嘉莉及賴慰玲等，吸引過百人圍觀，場面熱鬧。
賴慰玲曾隨李居明到訪新光戲院一個甚少開放的化妝間，坦言當時入到去感到不安。她說：「係一個好舊好舊嘅化妝間，我唔係一個會感應到嘢嘅人，但嗰次行入去個感覺好辛苦，大師話係咁㗎！之後出返去大舞台就無事，係令人好唔舒服嘅感覺。」嚇到在旁傅嘉莉瞪大眼睛。賴慰玲續說：「可能濕氣重啲！」
傅嘉莉表示自己也有去過新光戲院拍攝及看戲，讓她感興到像重回母親以前去戲院的感覺。
賴慰玲作為《奇情谷》的代班主持，對節目即將完結大感不捨，每次都開心可以聽到不少奇情，期待可以添食。問到她接下來的日子會否拍劇，她表示有待公司安排，但認為現時的工作模式會比較多元化，並稱在公司開班教學生，「我教書比較多，公司開咗進修班，我呢兩個禮拜都好早返去教書，見到公司好多演員好想進步，會拎啲問題返嚟一齊問，拎啲劇本返嚟研究。做演員係好鍾意傾戲，每次返去都好開心。（網民少見到你幕前演出）都唔係，係因為而家大環境都製作少咗，但要令到自己點樣唔好退步，同時又要涉獵下其他工作，原來我都幾鍾意教書。」
傅嘉莉就透露稍後為無綫新劇《玫瑰戰爭》開工，劇以女性題材為主導，對手陣容強勁，自己有點緊張。談到她有份參演的《刑偵12》入圍「2025首爾國際電視劇大獎」的「最佳劇集」組別最後8強，她感到開心，坦言不容易，全賴整個劇組努力。
立即更新/下載AM730手機APP 體驗升級功能
