車婉婉預了《中年好聲音3》開騷會被人call爆電話。(娛樂組攝)
車婉婉昨日(13日)現身電視城參與禁毒騷錄影，早前她在《中年好聲音321經典大戰》中被多位《中年好聲音3》的「愛的密碼」感動，令她哭成淚人。婉婉爆在錄影前有人大頭蝦，險令驚喜提早曝光。
她指自己每次都會出席節目彩排，唯獨今次《中年好聲音321經典大戰》竟然不用彩排，節目組更稱因為很多東西要搞，著她不用來彩排。她說︰「唔知邊個小妹妹就send咗個穿煲rundown俾我助手，我又咁啱好多訊息，所以睇唔到，佢哋即刻回收同埋send過假rundown嚟！其實我真係唔知，無諗過佢哋班衰嘢咁有心思！」她稱自己錄《中年好聲音》系列從中也有不少得益，能夠陪參賽者成長是很開心的事。
車婉婉透露最近接洽不少音樂相關工作。(娛樂組攝)
問到《中年好聲音3》是否開騷，她表示正在籌備中，笑謂預了欠下一身飛債。至於她會否趁勢再開個人騷，她稱的確有一些計劃，而且也接洽了不少與音樂相關工作，「會努力做好自己，隨時ready開騷！」
談到她早前跟BIG FOUR一齊話當年，她笑言收到邀請時立即答應，拍攝時更笑過不停。她稱跟四子的關係是非常奇妙，她說︰「我同阿公(蘇永康)來往多啲，因為佢個仔同我個仔係好friend！至於張衛健係我參加新秀嘅主持，許志安係我哥哥，同我合唱《會過去的》，梁漢文就係我第一位合唱嘅男歌手。我哋間唔中會一齊食飯，見下面！」問到會否做嘉賓，她表示四子已經很多歌，自己會屆時會帶埋囝囝入去支持。