Stanley現身太古城中心同fans玩遊戲。(娛樂組攝)
MIRROR成員邱士縉(Stanley)今日(5日)現身太古城中心，為《Live theGame！》NBA主題活動揭序幕，現場大批粉絲晨早到場守候，Stanley非常窩心地買了60個漢堡包給fans做早餐。他又與現場fans玩遊戲。Stanley受訪時自爆小學時作文，曾以留學美國為我的志願，盼可藉有機會打NBA，但老師評分甚低，但Stanley升中後加入青苗籃球隊，向來視勇士隊Stephen Curry為偶像的他，笑自是被「娛樂圈耽誤的籃球員」。
談到日前在《HI MIRO！見面祭2025》與fans見面，他坦言今年印象比去年深刻，因為fans逐一上前接受招福貓，大家對眼見面，「我感覺自己好似神父聽佢哋告解。」他形容有不同種類fans，有問他是否認得自己、指他偷心和真情剖白，他自言當見到fans激動爆喊，就會更加感動，「我真係好專注聽佢哋講，發覺我嘅作品可以陪伴大家度過關口，已經好開心。」見面祭後，Stanley在社交平台po了不少黑圖，其中一張被指是「菲律賓表哥」，他自言近日打網球曬黑了，膚色可媲美Lokman，笑言兩人可組男團在泰國出道，問到團名時，他笑言可以「Yum」命名，團隊fans可叫做「Mum」，由中環區busking演唱開始，說不定可以紅到菲律賓。
笑說改簽193
姜濤在《呂濤米Lo Seoul》大爆只剩3年約，Stanley被問到合約年期時，他直言合約尚餘3年，半說笑要改簽193的公司，當聞言簽約後可能會被雪藏，他笑言：「如果佢keep住出糧，我又點會介意呢？其實我而家都無特別去諗，我哋內部冇特別去討論，都係做好而家工作。」至於續約條件，他認真表示，「我諗都係睇大環境，要睇當時社會大環境，因為公司絕對係好好嘅避風港，如果出邊環境好差，咁我繼續喺呢個避風港都唔錯啦，都係到時再算，而家真係答你唔到。」他又笑稱如果到時「Yum」紅了，若能要在中環展開巡迴商演，續約成數會大增，「公司俾我同Lokman掌管菲律賓部門新公司，我要做「菲律賓魯生」。」
解釋放負原因
大表哥又表示近日忙於拍劇，角色要講大量對白，加上職業需要字正腔圓，挑戰甚大。談到早前突然「放負」，令粉絲大為擔心，大表哥解釋是因為性格問題，不時有危機和不安感，「無特定一件事影響，望下前景、大環境，望下自己可以提供啲咩娛樂俾大家，最驚係慢慢由呢班火車俾人趕落車，成日都會有呢個諗法。」他在見面祭特別感激留下來的fans，他解釋，「總有一日大家有自己的生活顧慮，未必可追到我哋，嗰刻見到大家，要珍惜同在一個空間的時刻。」
立即更新/下載AM730手機APP 體驗升級功能
