邱禮濤導演和譚耀文出席電影《我們不是什麼》開鏡儀式。(娛樂組攝)
由邱禮濤執導，MIRROR成員AK江𤒹生和ANSONBEAN陳毅燊、譚耀文等主演的電影《我們不是什麼》今日於柴灣舉行開鏡儀式，導演邱禮濤和譚耀文受訪，談到首次挑戰同性戀題材，邱導就指出：「BL意思是beyond limits。」他表示由於劇本邊拍邊改，想試即興元素，故暫不劇透太多，擔心有落差
譚耀文挑戰內心戲
談到選角，邱禮濤自言跟譚耀文是認識多年，盛讚譚哥是很叻演員，終於有期可以合作，譚耀文笑言今次玩突破，「隨時唔知咩事！」他認真表示，「今次冇乜點打，文戲為主，好內心，係雙面人，我演監證科專家，有少少不修篇幅。」
邱禮濤自認是社工
邱禮濤表示跟「雙 Anson」AK和ANSONBEAN首次合作，「好早屬意AK，中間有些波折，幾乎冇咗AK，但AK好想演呢個角色，最後都拍到。」對於ANSONBEAN，他表示在對方宣布暫休前，已意屬找他參演，跟多次傾談才勸服對方接演，「我花咗好多口水，我話呢行總有高高跌跌，佢咁後生，我都係一個社工，勸佢話忘記痛苦最好方法係工作，勸咗幾次，佢話暫別後，嗰個月都搵咗啲人，但都係冇，而且要夾其他演員期，我唔想話氹，我係解釋，我話喺呢行40年，有唔少有抑鬱症高高低低，失意失望，唔使咁樣。」譚哥自言也經歷不少高低起跌，問到如何面對，他表示，「珍惜機會做好每項工作，我好enjoy開工，少啲煩惱，剩係演角色，有工開好幸福。」
ADVERTISEMENT
20周年「全城撐本地消費3重大激賞」！ 即睇活動詳情！
