城城今日（28日）現身中環大館出席Now United中國香港區新成員出道首演活動。（娛樂組攝）
郭富城（城城）今日（28日）現身中環大館出席Now United中國香港區新成員出道首演活動，活動中宣布Now United有香港新成員加入，就是現年20歲曾家瑩（Ariel Tsang）。城城接受訪問表示：「我覺得Ariel好上鏡，同埋跳舞好有Energy，就變咗我好放心，因為佢代表咗我哋香港，我有責任話俾佢聽，因為我係一個大使嘅身份。」城城亦大方表示樂意邀請Ariel擔任MV女主角。
城城亦大方表示樂意邀請Ariel擔任MV女主角。（娛樂組攝）
回應為粉絲簽名險被擊中眼睛
講到是否有計劃簽Ariel擔任藝人，城城說：「如果我將來有一個藝術中心，我都有咁嘅理念，想將咁多年嘅舞台經驗去分享俾有興趣或者好想俾自己進步嘅朋友。」城城透露女兒喜歡聽歐美的歌曲，並透露女兒亦有參加唱歌比賽。」被問到最近在公開場合時，為粉絲簽名險被擊中眼睛，城城表示：「其實我覺得嗰一次Fans都係無心之失，我完全唔係介懷。反而就係最近有一個報道話我指責我啲Fans，其實就唔係，可能大家唔太清楚呢件事，就只係喺度轉載。」
城城呼籲激進歌迷保持冷靜。
呼籲激進歌迷保持冷靜
城城受訪時多次感謝Fans們的愛戴，他說：「我所有嘅Fans大部份都係好成熟，就算係年輕或者比較年長啲嘅都好，都應該識得處理點樣去對待偶像，點樣去保護一個偶像，我係好鍾意佢。如果要簽名影相，喺一個場合做到嘅，我一定會去做。如果係個場合太混亂或者唔方便嘅時候，我就會禮貌地拒絕。」
城城繼續說：「可能有三個好激進嘅Fans唔會理身邊嘅人去勸導。喺嗰一刻我就想話俾佢哋聽，想佢哋冷靜啲，淨係講緊嗰幾個歌迷，就唔係話全部嘅歌迷，啲人轉載就可能會覺得我所有Fans都咁做。」他希望激進的粉絲能夠改變自己的行為，並表示：「可能佢哋太年輕，太後生，好熱血就係想得到你，我就覺得要冷靜啲！」
立即更新/下載AM730手機APP 體驗升級功能
