鄒凱光、JoeyMa聯合開騷，在台上發放笑彈。
灘叔鄒凱光與時裝人兼造型師Joey Ma(馬宗瀚)，破天荒合作，前晚於酒吧舉行全港首個《邊飲酒邊開Talk》近距離互動秀。兩人以「一直一攣」組合大談性別、酒後真情與男同志文化，現場氣氛火熱，話題尺度爆燈！
灘叔打頭陣即以「酒後亂性」開場，直言社會對異性戀和同性戀酒後行為存在雙標：「男仔醉咗亂性就被話係『X街』，但攣男就好似總被接受，我覺得好唔公平！」其後他又分享一次傷感經歷：「早前因外婆病重，全家難得齊聚家中，幾乎飲光所有存酒，點知兩日後婆婆就走咗……呢個酒局，我一世都會記得。」
Joey Ma身穿閃片貼身晚裝現身，即引全場歡呼，灘叔搞笑嘆：「頭先我出場靜過靈堂！」為熱絡氣氛，兩人請觀眾上台分享對兩性看法，Joey更公開解析男同志圈術語：「1＝Top(插入方)、0＝Bottom(被動方)、10＝Versatile(兩可)、Side＝唔鍾意肛交，只愛錫同愛撫。」即時引發現場嘩聲四起！
被灘叔追問Joey屬於哪一類型，他直白回應：「我係射完就走，唔會打開心扉同人傾偈。」灘叔則自爆曾用真名真照在交友網識女仔，卻反被對方質疑：「你唔好扮鄒凱光啦！」令他大感無奈：「真係唔公平！」
此外，兩人的好友造型師 Salma，上次灘叔舉行《男性的弱點》個人talk show時，已想找她做造型師，但當時她生病，無法擔任，今次她特意前來捧場，兩人見到她十分感動。
兩人的共同朋友造型師 Salma，特別到場支持兩人。
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
