莊子璇、陳曉華及郭晉安一齊接受訪問。（娛樂組攝）
郭晉安、陳曉華、莊子璇等周五（3日）為《金式森林》宣傳，三人盛裝打扮，儼如台慶。活動上安仔更啟動霸氣總裁模式向陳曉華求婚。安仔與陳曉華現實年齡相差三十歲，在戲內扮演一對，二人外型頗合襯，當記者笑問安仔是否吃了很多自家靈芝産品保持年輕，他笑謂「要大家食多啲啦！」同時他亦多謝網民喜歡他與曉華這對CP。
無當緋聞一回事
今次是安仔跟莊子璇傳緋聞之後，首次同場，未知是否怕尷尬，他們拉埋陳曉華一齊做訪問，更要陳曉華企中間。安仔表示莊子璇已經很耐沒有見面，他稱對緋聞「無嬲無笑」：「有時做藝人，點解會有緋聞出現，會令我哋嘅生活出現阻礙。今次大家聚埋一齊宣傳，一家人嘅感覺就返哂嚟！」
莊子璇表示在後台拉開帳篷時，第一個見到的就是安仔，第一下的感覺是「爹哋又喺度啦，好安心啊！」同時自己感覺不好意思。安仔稱對於緋聞已經見慣不怪，相信莊子璇亦有同感。
陳曉華就表示首次傳緋聞的對象是何廣沛，自己感到非常尷尬，見到對方會避開，好怕傳緋聞，但後來又發現緋聞都只是傳下而已，沒有理會太多。她說：「我跟莊子璇後相似，一入行就傳緋聞，好驚丫，依家無理。」
莊子璇表示自己沒想過首個傳緋聞的對象是視帝郭晉安，「人生無諗過咁，睇到嘅時候都諗點解嘅，係呆咗！」安仔提到對方在劇中飾演他的女兒，一年之後再見對方，覺得她成長了不少。
郭晉安讚莊子璇表現不錯。（娛樂組攝）
談到劇集在內地率先播出，反應非常好，安仔開心有好成績。陳曉華稱見到有網民因為有感而發，寫下長長的觀後感。安仔指劇集的成功，對所有台前幕後來說都是一個很好的回報。對於內地宣傳的影片及海報都似近年興起的短劇模式，安仔說：「我哋演員之後，我哋有聚埋一齊傾點樣宣傳，係刻意製造一啲短劇嘅模式，係好有誠意推介呢套戲俾大家睇。借短劇模式介紹。」
安仔今次跟劇中大部份演員，都是首次合作，他表示大家很有活力，自己的活力也是來自他們，並笑言過往劇中扮「老爺」的都是撐拐杖，但他就不一樣。他說：「我相信呢一個係一個變革，既然教得喺我手上，有咁多活力演員，我都要好有活力咁去演繹。」
莊子璇首次拍劇，她承認表現仍有待改善，「因為真係好緊張，自己好多嘢都唔識，加上有喂面對着好多前輩，所以好緊張，知道有好多位做得唔好。自己又睇返大家言論，知道自己有邊啲做得唔好嘅地方再去改進。希望一次比一次進步。」她又多謝台前幕後給予信任，及放膽讓她去演，很開心首次合作便是《金式森林》。
安仔安慰她說：「第一次嚟講，已經做得好好。我認為對佢嚟講係一個好好嘅經驗，因為有一班咁好嘅前輩合作，以第一次嚟講已經很好，繼續加油努力！」
對於會劇集將在香港播出，是否有心理準備面對香港網民的劣評，她說：「已經睇咗好多內地網民嘅comment，有哂心理準備！（有好多網民話你完全無千金feel！）我本身都係平民，如果之後再有機會已經演千金，我會睇多啲家族劇集參考。」
ADVERTISEMENT
立即更新/下載AM730手機APP 體驗升級功能
