關嘉敏為細John護航，希望大家可以口下留情。
關嘉敏今日出席電影《731》首映，談到《女神配對計劃》結束之後，網上有不少聲音鬧爆姜卓文(細John)，她希望大家可以口下留情，不要再罵。她表示從沒有後悔自己的決擇，並指對兩位求愛者都是公平。她說︰「愛情唔係嗰個時間就唔係嗰個時間，無得逼，佢都係工作比較忙，佢已經承受好大壓力！」
她坦言自己當下的決擇是很心痛，但自己吐出心聲稱要跟細John要拜拜時，已經釋懷及放下。談到她在節目中提到「對的人錯的時間」、「錯的時間對的人」，她稱細John是「對的人錯的時間」，而另一位求愛者Matthew是「錯的時間對的人」。她解釋︰「Matthew唔係錯，而係當時我鍾意細John多啲，由一開始拍已經對細John較有感覺，而Matthew就係中間有好多緣份拉埋我哋一齊，但鐘意嘅話，自己當時係鐘意細John多啲。」
關嘉敏表示會跟Matthew深入了解，如能成事也是不錯的事。(娛樂組攝)
提到Matthew在直播中親了她一下，關嘉敏即時笑到合不攏咀，她稱沒想過Matthew會有這樣的舉動，以她認識的對方是不夠膽做這些行為，當時被對方的舉動嚇親。問到有沒有過電的感覺，她表示要加以了解，跟對方也有共同興趣，現階段只是朋友，如果真的合適也是好事。
問到Matthew欠缺些甚麼令她仍未接納對方，關嘉敏坦言Matthew真的是很好的對象，現時是一個更新了的AI，不再機械化，私下比較人性化。
她稱跟細John相處較有火花，但這些都是鏡前大家所見，鏡後的相處亦很重要。她說︰「係鏡前同Matthew相處係爭啲，雖然佢有做模特兒工作，但都係一個半素人。如果佢係鏡前可能唔係太識表達自己，所以鏡後相處好重要。」問到李芷晴的心情現時如何，她表示沒有問題，對於三對成功配對的組合，關嘉敏坦言很羨慕，認為能夠在短時間內走埋一齊是很難，大家又經歷了這麼多，相信他們的關係會很長久。她又指GM跟Sophie在慶功宴上錫錫一幕被形容是啄木鳥，相信他們應該忍了很久，並指二人是非常恩愛，笑稱見到他們非常眼冤。
關嘉敏表示因為自己對細John比較有感覺，認為愛情沒有對錯，大家不要怪細John。
ADVERTISEMENT
立即更新/下載AM730手機APP 體驗升級功能
