關智斌開騷當然不少得除衫環節，令全場大叫。（娛樂組攝）
關智斌（Kenny）在啟德體藝館舉行一連兩場《The Endless Adventure Live in Hong Kong》，Kenny為今次個唱狂操肌肉，原本在獻唱《隱形人》時大玩空中pole dance，繼而再倒掛在三角架上做sit up。惟跳了一小段遇事故，鋼管突然稍有鬆脫下墜，Kenny立即企定，先拿穩鋼管再望住上方，其他舞蹈員再上次跟Kenny做出原處變不驚，着地呆了一呆望向上方，未能繼續表演鋼管舞，隨即與舞蹈員跳舞，完美執生。
Kenny在首輪又唱又跳，之後脫下外套時，台下女士大叫剝衫，他即安撫：「慢慢嚟啦前面呢個姐姐，有你想睇嘅嘢嘅。」
Kenny說到做到，唱《頭頂有角》及《Ready to go》時，毫不吝嗇大晒苦練成果，與多位男dancer一齊除衫跳舞，他更走到健身架做引體上升，只用雙手支撐整個人側身懸掛的「人體國旗」和「空中漫步」高難度動作，麒麟臂力同腹肌零死角全面展示，這個「視覺盛宴」令全場粉絲血脈沸騰！
Kenny期間跟大家來個深情對話，他指自己出道二十三年，由偶像歌手變成⋯⋯依然是偶像歌手，「唔易㗎，要keep住！今次有機會可以搞到一個自己真真正正屬於關智斌嘅演唱會，真係好開心，因為我覺得除咗你哋平時喺唔同媒體認識我，今次我可以用另外一個形式去呈現，究竟關智斌係一個乜嘢嘅人？」
他笑言：「我都知我嘅偶像包袱比較重，所以今晚我就諗住一層一層咁樣撕開佢、一層一層咁開佢俾你哋睇。」他特別感激容祖兒、阿Sa同阿嬌的支持，仲爆咗段古，話有次跟祖兒傾偈，對自己有點質疑，幸好祖兒跟他說：「做自己嘅演唱會，係冇得妥協㗎！呢個係你自己嘅show嚟㗎！你一定要⋯⋯做到你自己想做嘅嘢。」說到這裹，台上的Kenny開始哽咽，而台下的祖兒已經喊到收唔到聲，場面感動。
ADVERTISEMENT
立即更新/下載AM730手機APP 體驗升級功能
