陳凱琳大讚品牌的布料非常好。(娛樂組攝)
陳凱琳(Grace)今日出席服裝品牌活動，她大讚品牌的布料非常好，自己每次穿上去湊小朋友時，他們都愛摸她身上的衣服，因為質地非常好。她提到自己很愛穿短裙，鄭嘉穎曾多次叮囑她不要穿，原因是怕她生完易冷親，但她就自覺老公老土，而老公亦會以她穿得舒服作為大前提。
談到大仔Rafael由國際學校升上傳統學校小一，Grace說︰「我依家仲係好依賴其中兩位媽媽，要靠佢哋send俾我今日要執啲咩書，影晒出嚟俾我先執得齊。我真係唔知點解睇極都唔明，呢part我要進步。」
她透露Rafael仍然未熟悉新環境，開學了兩星期仍未習慣。因為佢要由英文變全中文係比較難，我覺得小朋友係好需要一個環境，佢係舒服又有好多朋友，就算係學術上聽唔明，都至少有朋友陪住佢，但我依家感受到佢喺呢方面有啲困難。可能大家一返到學校就坐定定唔講嘢，小息食完嘢又好快上堂。我依家希望可以識多啲媽媽朋友，等佢哋帶小朋友嚟我屋企，希望大家培養感情，等小朋友認識下，返到學就開心啲。」
陳凱琳自爆鄭嘉穎為囝囝做功課。(娛樂組攝)
她指Rafael是個很外向的小朋友，可能因為環境的轉變，令他需要時間去適應，期望下次見大家時可以分享大仔適應校園生活。問到Rafael的功課進度，Grace就身在加拿大的時候，期間透過電話遙距督促鄭嘉穎幫囝囝檢查不要做漏功課，但奈何有媽媽告之早前給她的功課清單是錯的，令囝囝做漏了一份生字功課。她說︰「嗰時已經係深夜一點，囝囝又要6點起身返學，於是同老公傾咗10分鐘，因為佢唔做又會俾老師話，唔係咁好，最後老公決定幫佢做功課！佢用左手寫字，最終幫囝囝寫了幾個生字！放心！老師，我哋下次唔會再做，一定會做啱功課！」
她又稱以前經常聽到有些父母幫小朋友做功課，到現在發生在自己身上時，發現是因為自己出錯在先，如果不為小朋友挽救，便沒有誰可以幫他。問到會否擔心囝囝跟不上，Grace表示相信只是時間問題，而老公現時負責囝囝的中文，自己就負責他的英文，她笑言有跟老公建議過自己負責教中文，好讓自己的中文也跟著進步。
ADVERTISEMENT
立即更新/下載AM730手機APP 體驗升級功能
