陳卓賢出席品牌活動，自言外遊必會執齊行李。(娛樂組攝)
陳卓賢(Ian)和鄧麗欣(Stephy)今晚(22日)現身中環出席品牌活動。今年完成世界巡唱的Ian，分享出埠工作執篋的心得，Ian自言一向整齊，習慣用收納袋將日用品分門別類，永無混亂，喜歡手提行李多於寄艙，他自言從不需要母親代為執篋，「我好少帶漏嘢，去到機場每隔3秒就會摸摸有用帶passport，習慣早好多日就執好行李，每日都會check一次，通常到最後一日都會齊晒。」Ian又自爆獲金廣誠親自預備旅行用品，包括紙底褲，Ian分享，「之前走Tour，金生有陪我去，佢好take care我，好擔心我會唔會電話唔夠叉電，好窩心咁俾咗個袋仔我，裡面有即棄嘅底褲、Power pad要叉電、眼罩、耳塞，超級sweet，我keep住咗無用。」
自揭外遊必備3寶
Ian自爆外遊時的必備3寶，包括枕頭、枕頭袋和毛巾，「床褥太難拎，否則可能都會拎，其實我唔止帶枕頭袋，連枕頭都要，因為飛機已瞓唔到，有枕頭唔會頸痛，唔會影響唱歌。」問到哪位MIRROR兄弟最失魂時，帶東西，以作不時之需，Ian就爆料，「佢哋以前有人試過流冇帶證件。(邊個冇帶？)唔話俾聽，不外傳。」談到強颱風襲港，Ian提醒要注意安全，並表示為安全起見，已代媽媽安排好物資，自言向來為食，家裡有大量存貨，故不太擔心；而愛犬「雞髀」亦唔怕打風，跟他一樣最喜歡為食，他笑言：「佢似我，係I狗，平時喺屋企好活躍，出到去見到其他狗會行開，已經同佢講咗呢兩日冇得出街。」
公開爭取再開騷
談到近日忙甚麼時，Ian就透露留在香港錄製新歌，「後日有新歌出，年尾都仲有一隻歌，已經做好咗，同埋公開爭取，爭極反映，唔知嚟緊知期會否再開騷，我都可以唱新歌。如果出多唱新歌同好啲嘅故事Idea做新concert。」談到新歌曲風，他表示，「我自己都喜歡，同年頭出的幾首歌好唔同，輕鬆啲。點解想做呢首歌，希望廿年後大家聽返呢首歌，原來2025年我發生了青春嘅回憶，有種陪伴大家成長嘅感覺，至於可會跳舞？「輕鬆踏吓踏吓，都算跳吓，有少少舞步。」
ADVERTISEMENT
