陳芷菁post張潤衡合照 寄語「放下再前行 明天才可以更好」被狠批後刪文
TVB節目《真相．猜．情．尋》再次引起社會討論1996年造成5人死亡嘅八仙嶺山火，事件中受傷嘅學生張潤衡，多年來一直被網民質疑同山火有關。節目播出後，唔少網民去到張潤衡嘅facebook專頁留言，而張早前亦都回覆唔少網民嘅提問，強調自己於山火發生前「其實我係坐咗喺度玩game boy」。有網民叫張潤衡睇返《真相．猜．情．尋》，張直指「我唔會睇佢呢個節目，呢個節目本身就係出於極唔尊重嘅情況發生」。
喺TVB擔任主持多年嘅陳淽菁（原名陳芷菁）喺Threads上發文，並post咗同張潤衡多年前嘅合照。陳淽菁寫道「好多謝 #吳家樂 給我這張照片，無限回憶湧上心頭。《今日VIP》是一個很好的節目，讓我訪問到很多不同行業，不同經歷的嘉賓，包括近日熱捧節目「真相猜情尋」其中一個案件八仙嶺山火的受害人之一：張潤衡。放下，再前行。明天才可以更好！#今日VIP #放下 #回憶 #明天會更好」
網民留言質問：即係你都覺得真相唔重要？
唔少網民都對陳淽菁一句「放下，再前行。明天才可以更好！」議論紛紛，留言質問陳「即係你都覺得真相唔重要？」、「未經他人苦，莫勸他人善，你訪問過，但你無了解過，唔好抽水。」，甚至重提陳淽菁多年前參加《百萬富翁》自信答對問題前講嗰句「拍定手先啦」加以恥笑。未知係咪個post太過惹火，陳淽菁隨後刪文處理。
原文刊登於 Yahoo 娛樂圈
ADVERTISEMENT
送 CulinArt 1862 HKD500元餐飲禮券及八月四大購物展入場券！
