軒仔做港姐嘉賓，當中就有佳麗是他的忠心粉絲。(娛樂組攝)
張敬軒今晚做港姐嘉賓，演出完畢受訪時問到回電視城有否敘舊感覺。他說：「其實昨晚已經敘舊緊，雖然久不久返嚟錄J2節目，但一廠同事好耐冇見過。好多FM同事、導演睇住我大，所以大家都傾咗好多嘢。一廠對我嚟講係一個情意結。」剛才眾多佳麗與軒仔同台，會有尷尬同緊張？「昨日大家尷尬啲，因為唔知掂佢哋手定蹺住好。已經彩排過又傾過，剛剛覺得佢哋冇咁緊張，我又冇尷尬。」
問到接觸過佳麗後，邊位手仔好拖？軒仔笑說：「嗱，我好專業嘅，我唱歌時好專注表演。如果我唱歌時有空間去捽手仔，咁好似辜負咗志偉揾我返嚟做show咁。但當中有位係我fans，佢真係有跟我啲嘢跟得好貼。我唔記得幾號，但我哋有合照。」
Sammi撩跳舞
提到拉闊音樂會，軒仔對住Sammi(鄭秀文)會有甚麼感覺。「其實我同Sammi都合作過幾次。今次好榮幸可以同佢一齊做show。Sammi上一次做拉闊已經20幾年前，所以我提醒自己今次醒醒定定。同埋Sammi問我跳唔跳舞，我講笑答：『跳咪跳，怕你吖﹗』當晚係一個聲色藝俱全嘅演唱會。」
有說今次拉闊飛炒到3,000元，軒仔說：「今次出面唔會有飛喎。大家千萬唔好上當，上次我澳門演唱會，就係有歌迷見到咁快有飛，咁就買咗先，結果咩都冇晒。」Kenny(關智斌)就快開騷，問到軒仔會否做嘉賓？他說：「我嗰陣喺新加坡要做音樂節。因為佢今次個台之前我做過，即係Tyson嗰次，我會同佢講俾啲心理準備佢，例如個台啲聲行邊個位會著數啲、喇叭會點擺。精神上支持佢。」
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
