50歲麥家琪近日接受商台訪問，樣貌變化不大，仲係好靚媽媽。
昔日性感女神麥家琪17歲參選港姐入行，06年下嫁大律師王國豪後淡出娛圈。現育有兩子一女的她，為事隔17年復出客串的港劇《我愛九龍城》，最近接受商台《星光背後》訪問。麥家琪談到半百依然靚，她直認靠醫美，「好似修一修咁，箍牙都係一樣！」
麥家琪當年是新法書院校花，93年參選期間一直是熱門，最終五強不入。翌日被爆出她15歲時被男友誘騙拍下裸照，事件轟動全城。她認同落選與事件有關。「呢個經歷到而家都影響我，所以我好保護我啲小朋友，我同佢哋講晒成件事，啲相我仲keep喺度，全部俾晒仔女睇！等佢哋知會發生呢啲事，佢哋要學識保護自己。」
除衫就簽約
麥家琪參選翌年獲TVB簽下兩年的包薪經理人約，96年離巢，她說：「96年後要我簽返普通藝員約，人工少咗三分二，我話唔簽。如果我忍到6、7,000一個月，我可能而家都喺TVB，做埋甘草演員。」之後進軍影圈，當中話題作是她剃光頭主演的《龍虎砵蘭街》。問到為何不找經理人合作，麥家琪表示：「有offer，但全部都要我脫，要我拍3部脫戲就簽。」原來選完港姐，已有片商高價利誘麥家琪拍三級片，「當年有人叫我唔好簽TVB出嚟拍戲，當時風月片咁hit，仲俾過百萬，但我唔想，件事唔係我想咁發生。」
ADVERTISEMENT
立即更新/下載AM730手機APP 體驗升級功能
