Zelos表示估不到自己開騷咁多人支持。
創作歌手黃凱逸(Zelos)，日前在中環Soho House舉行新專輯發布會，一眾好友前來支持，包括之前和他做zillow talk的Kayan9896、Jace、Kiri T等。
Zelos表示：「好開心可以現場演繹呢張專輯，入面所有歌都係我自己寫，見到所有觀眾坐低望住我，靜心去演繹呢隻碟，有幾次忍唔住想喊。但我每次都忍住，因為我知道今日嘅崗位係好好演繹呢9首作品。」
小提琴聲觸動神經
Zelos沒想過當日好多人去現場支持，出場時好緊張，唱歌時諗返起在英國製作專輯的點滴。「時間過得好快，希望呢張碟可以陪伴到入場嘅聽眾，甚至喺屋企聽呢隻碟嘅你哋。」
Zelos首次唱live就有弦樂和upright Piano，演出時非常感動。「聽住小提琴嘅聲音，唔知點解好想喊，rehearsal已想喊，最後都喊咗兩次。呢個project其實仲有兩至三首MV拍咗，好想快啲俾大家睇。當中男、女主角就先賣個關子。」
指定動作當然是大合照。
立即更新/下載AM730手機APP 體驗升級功能
