黃德斌、衛駿輝及梁非同出席摩登足球粵劇《頂頭鎚》記者會。 (娛樂組攝)
黃德斌、衛駿輝及梁非同今日（26日）出席摩登足球粵劇《頂頭鎚》記者會，三人即場演唱劇目其中三首歌，德斌初試啼聲略帶緊張，他唱完後亦忍不住笑了出來。
嘗試創意粵劇
輝輝表示《頂頭鎚》加入了粵劇元素，包括唱腔、工架重新演繹。她大讚劇目很勵志，相信大家看完之後，會努力去追夢。由於今次有別傳統粵劇，輝輝稱今次以時裝反串是一個新嘗試，德斌坦言自己無想過演歌劇，還要有粵劇元素，是很有挑戰性。非同表示今次演出有別傳統粵劇，唱腔亦有所不同，同時開心換衫化妝比以往輕微。
輝輝大讚德斌
德斌續說：「今次好開心，可以同一班粵劇演員合作，佢哋有年青又資深，令我好放心！」輝輝表示自己開頭擔心他會害怕跟他們合作，因為很多演員覺得粵劇好難入門，做大戲好辛苦。她說：「德斌好好！佢無遲到早退，無佢嘅場口都會係度睇。佢唔多講嘢，但係一講嘢就好好笑！排戲過程就會成日捉住佢嚟玩，尤其是唱歌嗰下！哈哈！」
難過演打戲
問到今次要不要在台上真踢波，德斌稱屆時台上會有些視覺效果呈現踢波效果。輝輝就大呻今次演出最難竟然是動作，「仲辛苦過打一場劇！初頭諗住好舒服，戲服又輕鬆，點知排完兩場波，我同導演講仲辛苦過做大戲，但都仲可以應付！有啲踢波動作，可以用功架去呈現。」
談送別師母
談到他們在海報上均貼上濃濃的眼睫毛，德斌笑稱今次僅得他一位男演員，貼眼睫毛感覺好搞笑但又不覺突兀，不知道台上的妝容是否跟海報的一樣，「依家影poster嘅感覺，大家都融埋一體。」談到黎萱日前設靈，德斌被拍到在靈堂出現，他稱當天相約了第15期藝員訓練班的同學一齊去，「我同萱姨合作過，佢又係我師母，都想去送埋最後一程。」
ADVERTISEMENT
立即更新/下載AM730手機APP 體驗升級功能
