2025-10-02 15:30:00

Lolly Talk「八星伴月」回應傳聞預告萬聖節現身：一齊行得幾遠得幾遠

本地女團Lolly Talk早前被傳因內訌、接連負面新聞以及個別成員拍拖，令「金主」閂水喉不再投資，更有指8位成員長達半年零收入，每人欠下公司20萬。消息曝光後，Lolly Talk的經理人Alex曾澄清指成員非常團結，強調這兩個月仍有工作，但承認已有半年沒出糧。今日(2日)凌晨，Lolly Talk在社交平台預告，將於萬聖節(10月31日)齊人出席灣仔海濱舉行的萬聖節音樂嘉年華「SPOOKY Halloween」。

一齊經歷高山低谷

Lolly Talk8位成員精心挑選可愛「黑圖」，湊成八星伴月圖，預祝大家團圓慶中秋，並回應近日傳聞，「近日嘅報道令大家擔心了❣」續寫道：「呢幾年嚟，我哋八個的確一齊經歷咗不同高山低谷、一齊努力為Lolly Talk進步成長。好感恩沿途一直都有我哋波板糖(Lolly Talk fans)嘅陪伴，亦都有客戶嘅寵愛，先有幸一齊行到第三個年頭，Lolly Talk仍然同三年前一樣。八個人繼續一齊行得幾遠得幾遠✨」不少波板糖留言支持，由於早前Lolly Talk曾與AKB48跳舞crossover，有fans希望她們能在本月7月的AKB48演唱會現身，齊齊跳《三分甜》。