RubberBand為10月展開的世界巡唱綵排。(娛樂組攝)
RubberBand(RB)正式展開相隔兩年的《A Night In》World Tour 2025 世界巡迴演唱會，首站將於10月1日登陸英國倫敦，4日移師曼徹斯特，11月16日轉移台北舉行。距離開騷不足一個月，RB四子已投入排練，低音結他手阿偉表示，有別於上一次的離愁別緒，今次會帶來新專輯歌曲，跟在當地定居、生活復常的香港人說聲「你好嗎？」，他續說：「好多觀眾都要長途跋涉去睇騷，所以都想每個地方預備獨特歌單。」問到巡唱何時回歸香港，泥鯭表示完成其他城市的演出是否順利，再決定是否搬到香港進行；場地方面，他回應指任何場地無論大小也歡迎，「幾百人到幾萬人，只要有觀眾入場就做。」
明年推出K專輯
他們預告將會在世巡場次，演唱製作中的K專輯《KOMOREBI》(日文)的歌曲，指陽光從樹葉縫隙中灑落地上的景象。主音6號表示，「生命有陰影有光，都係一瞬間幸福，用日本名主因係去年11月實現了籌備多年，在日本東京錄音的企劃。」至於會否將新歌《搲撈HK》改編成每個巡迴城市的版本，他們笑言可積極考慮。新專輯共有12首歌，現正進行後期製作，預計明年推出。
暫停載客 美麗的巧合
談到RubberBand擔任熱氣球節的表演嘉賓，6號穿上「暫停載客」的T恤，非常應景，成為焦點。他解釋只是美麗巧合，「我嗰日發燒肚屙腸胃炎，已經冇乜心機，是旦著牛仔褲就算，打開衣櫃全部都係slogan tee，好唔想嚟但又唔想失場，見到件Tee寫住『Out of service』，睇唔到中文係『暫停載客』，我只係想話俾大家知我當時係out of service，唱完返屋企瞓覺，第二日聽老婆同經理人講我知，真係唔好意思。」至於隊友們亦未有發現，阿偉笑言：「淨係諗佢前一日都好似著同一件，係咪冇洗衫。」