Edan透露MIRROR會推出團歌及有周年活動。（娛樂組攝）
呂爵安（Edan）今日與黃宜正（阿正）一齊到旺角出席活動，問到MIRROR何時再合體，Edan說：「尋日先影完嘢，嚟近會公開合嘅！11月都係我哋周年，到時會有活動。」並稱團歌稍後會推出，他說：「大家放心！MIRROR仲喺度！」問到周年活動內容，他表示暫未知太多細節，但會有一些有趣環節，相信大家會睇得開心。
談到有網民指ViuTV不夠資源去捧旗下藝人，Edan說：「資源大家都比較少，始終依家經濟無咁好，電影各方面暫時都係比較冷清，本身做呢行、藝人都係唔穩定嘅工作，好穩定來源，好多時都要睇情況、時勢等等，相信作為想入行嘅人，想做呢行，有得入公司、電視台咩都好，就好似我想入MIRROR咁，有咩機會就去做，未有就裝備好自己先，呢個年代可以用自媒體、social media platfrom俾人認識。喺依家比較沉寂冷清嘅時候，需要大家努力，希望嚟近會好啲，有更多資源。」
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
