談善言和Gao@COLLAR出席舞台劇《鱷魚之吻》記者會。（林俊源攝）
談善言和Gao@COLLAR今日（21日）出席舞台劇《鱷魚之吻》記者會，談善言接受訪問表示：「一開始傾project，大概都有同我講理念，我覺得鱷魚世界其實幾得意，究竟係錫緊定係咬緊？女演員喺呢個行業面對嘅問題，人生嘅方向究竟係點？我覺得好有興趣。」談善言指這次是她第一次演舞台劇，所以心情特別緊張，她繼續說：「感覺上特別有共鳴，所以係時候要嘗試。」
被問到舞台劇的彩排進度，談善言表示仍然處於圍讀的階段，並表示：「搵緊好多對白嘅可能性，同埋嘗試唔同嘅嘢，但係而家對白係好多，因為以前拍劇都可能係斬件嘅形式咁樣拍，舞台劇對我嚟講難度真係高好多。」她繼續分享與同劇的演員們不斷探討有關劇本的內容作修改。
談善言指這次是她第一次演舞台劇。（林俊源攝）
Gao為彩排大感沮喪
Gao接受訪問分享第一次演舞台劇的感受：「舞台劇比我想像中更複雜，無論係演員嘅創作定係導演嘅創作，早兩日去睇咗舞台究竟係點？遲啲再要睇吓啲音樂究竟係點，其實都係好多人嘅創作。我覺得其實真係好犀利，好多嘢都係大家一齊傾一齊去商量，所以我都係大開眼界。」講到當初casting的感受，她說：「我都係坐喺房度，然後就傾吓偈讀吓其他劇本，所以我記憶中其實還好嘅啫！其實都係傾偈同埋講吓嘢。」
Gao指曾經為彩排大感沮喪，並表示：「我有好多時候諗嘢都好單向，有好多演員都會諗點樣再鑽研角色，觀眾到時睇會唔會明白呢套劇會係點？呢啲嘢對我嚟講都會令我覺得好渺小，我盡量放膽去傾件事情，始終都係一個團體工作，當我都有分享自己嘅諗法。」至於有否向COLLAR 成員Winka和芯駖取經，她說：「當然有啦！但係我都唔係今次嘅project先問佢哋，我哋有陣時喺佢哋排緊戲嘅時候都有溝通，大家講傾偈，我都見證住佢哋嘅過程，學到嘅嘢可以喺其他嘅工作方面。」Gao透露打算邀請COLLAR 成員到場支持，不過得悉Candy（王家晴）因為工作安排未能夠出席。
Gao透露打算邀請COLLAR 成員到場支持。（林俊源攝）
談善言回應柯煒林身體狀況
談善言回應柯煒林身體狀況：「佢而家都好忙去做舞台劇，可能工作忙過我，我都係工作排戲同埋圍讀。」講到會好擔心柯煒林工作量太多，她說：「我相信無論係佢自己定係公司團隊，都會好照顧佢，唔會勉強。」講到早前腳受傷柯媁林曾負責孭她上樓，談善言則回應：「我可以孭返佢，大家輪流照顧。」
ADVERTISEMENT
