高海寧、黃庭鋒、周嘉洛宣傳TVB節目《Grand住去利物浦》。 (娛樂組攝)
TVB節目《Grand住去利物浦》將於後日(21日)起，連續兩個星期六晚上8點30分於翡翠台播出。繼前兩輯《Grand住去台北》和《Grand住去大阪》，今次由高海寧、周嘉洛及黃庭鋒三位主持前往利物浦拍攝。
今日三位主持現身受訪，高Ling最近眼睛出現紅腫問題，一直受濕疹困擾的她今日以淡妝及戴眼鏡現身，身旁的周嘉洛直認今次之旅非常享受，高Ling即表示：「係好開心，我哋都有重新定義呢個Grand字，因為Grand字除咗係講緊價錢之外，亦都可以指好珍貴嘅嘢，或者係我哋好鍾意嘅嘢，都可以定義為Grand嘅。」黃庭鋒與周嘉洛憶起拍攝時，有英國人用字典解釋英文的Grand跟中國文化字面上分別之處。高Ling大讚今次拍攝過程氣氛極佳，指節目已看到她笑到魚尾紋曝現，坦言笑得太多，亦發揮出合作性的團隊精神，包括由食到玩，去到扮Beatles開騷，都非常合拍及十分投入，她亦指拍攝過程每一日都好難忘、開心，高Ling更踢爆庭鋒在球場取景時感動喊晒。
黃庭鋒一向跟足球有緣，他大讚兩位拍檔的足球知識同樣厲害，庭鋒見證利物浦捧盃奪得英超冠軍，他表示當時心情實在難以形容，但庭鋒此行最難忘卻是從高處吊繩，當落到下面時，高Ling形容大家真的經歷了生死，他續說：「我哋三個從高空冇人理會，自己一個要克服畏高，所以我覺得嗰一刻，大家一齊出trip係互相照顧，互相支持對方。
今次開工返港時行李一度delay，幸有驚無險，她說：「好彩冇唔見到，其實如果當日我唔係要開工，我都冇乜所謂，遲兩日咪遲兩日，但問題出在於我一落機就要開工，我立即返屋企沖涼化妝，所有化妝品、所有初都喺裡面，我去呢一程借嚟嘅衫都要還，原本應承一落機馬上去還衫，又還不到，然後我仲要第二日去深圳開工，嗰一刻就真係有啲唔知點算，最後當然有其他解決方法，不過今次都係一個學習機會，等我知道下次有重要嘢可以跟身。」被問到眼睛發炎情況，她透明已好了八成，還未痊癒，現在還有傷口、還有分泌故不能化妝，其實近期頗影響她的工作，因為濕疹顯得浮腫及痕癢，眼瘡更加不能出鏡，十分有礙演戲及工作，她直認自己要求很高，現在中西合璧，現在亦正在服中藥調理。
