MIRROR成員姜濤、Anson Lo、Edan、Jer、Jeremy和Tiger完成KKBOX音樂會後受訪。(蘇文傑攝)
MIRROR成員姜濤、盧瀚霆(Anson Lo)、呂爵安(Edan)、柳應廷(Jer)、李駿傑(Jeremy)和邱傲然(Tiger)，昨晚(31日)為《第七屆 KKBOX 香港風雲榜 - The Beat Goes On》音樂會演出。6子完騷接受傳媒訪問，姜濤早前在節目《呂濤米Lo Seoul》自爆只剩3年約，此後每次MIRROR兄弟約出席活動都要回應合約問題，他多次為此向隊友表達：「唔好意思，我都係隨口噏，冇諗過咁大風波，點解唔剪走佢？」他自稱沒有被甚他公司邀過檔，笑言只有ViuTV肯要他。
唔知仲有幾年約
至於有否找細看合約年期，他強調，「詳細仲有幾多年唔記得，無論仲有幾年都好，我哋MIRROR都會一齊度過我哋每一年，做好自己嘅嘢。」他與花姐在節目談及拍拖問題，姜濤今日承認的確想拍拖，但要看緣份，「依家呢個身份就算真係緣份到都未必高調，或者我可能鍾意到佢想公開呢！」一問起對戀愛對像，Edan就幫手擋：「我囉！」
暫無第二方向
Anson Lo直認只剩3年約，談到續約條件，他表示想試新東西：「如電影或戲劇新角色、音樂上亦想有新嘗試。so far 同公司關係好良好，所以無諗第二個方向。」Anson Lo不諱言，按個人意願最想12位成員都續約，「就算個人續約不成，也想團隊約能續。私心嚟講想MIRROR行到尾，又或者就算幾年都好，可以開MIRROR 60周年演唱會或fans meeting，我諗全部fans都想睇呢個畫面。Fans點都會覺得12個人係一件事，無呢12個人唔會build up到而家7年，係一個好大嘅意義，繼續有呢個名份係好好。」
談到在節目素顏示人，Anson Lo自言向來無所畏懼，平日IG限時動態間中也有素顏照，淡妝或濃妝都喜歡，視乎場合而定。談到為花姐敷mask ，他表示除了教母和教姐，花姐是惟一能讓他出手敷mask的女人。
立即更新/下載AM730手機APP 體驗升級功能
