唱作歌手Michael C新歌《戀愛BB班》近日上架。
本地唱作歌手Michael C推出全新單曲《戀愛BB班》，以「在愛情中不斷學習」為題，唱出自己經歷愛情覺悟後的體會。他形容愛情確實不容易，而人們在感情世界裡就像一個「BB」般需要學習如何去愛與被愛，於是透過歌曲開啟一場關於愛情的課堂，一起學習戀愛相處哲學。
《戀愛BB班》延續Michael C一貫親自創作的風格，今次更與新音樂拍檔 Daniel Toh攜手作曲、編曲，並由Daniel擔任監製，歌詞則由林雨辰操刀，合力打造出一堂別開生面的「戀愛課程」。Michael C與Daniel Toh在一次演出中結緣，二人一拍即合：「Daniel Toh好正！我哋鍾意嘅vibe好接近，所以合寫好 smooth。創作melody甚至唔使10分鐘就完全呈現到我哋想要嘅成品。」他亦分享二人近期同樣偏愛日系音樂風格，因此由demo開始便以日本melody line為藍本，創作過程默契十足，愉快而高效。
MV集合美少女
《戀愛BB班》的MV以校園生活為背景，講述Michael C投入籃球特訓，正如愛情初哥般重新學習。為增添青春熱血氣氛，製作組特別邀來三位Idol Girls（偶像女生）成員演出，Anesa與Cherrie（小倬）飾演啦啦隊隊員，Melanie（可盈）則擔任嚴厲教練。Anesa分享最難忘的一幕，是要揮拳毆打Michael，Anesa：「一開始都唔敢落手，但導演話要交戲，唯有盡力演！」小倬在旁打趣：「你好似幾enjoy喎！」引來現場爆笑。至於Melanie則要全程喝罵Michael C，拍到變老牛聲，Melanie：「我平時好溫柔㗎！今次第一次由朝鬧到晚，真係鬧到冇氣！」MV中有不少搞笑蝦碌鏡頭，原來現實中Michael C自覺比較正經，與滑稽形象完全相反，所以拍攝時比平時更「放」一些，展露活潑幽默一面。問及MV中的籃球訓練，Michael C先得戚表示輕鬆，隨即縮沙笑說：「本身以為有Idol Girls陪住，以為會好sweet、好青春！點知一係畀人打，一係畀人鬧，仲要跳嚟跳去，真係仲攰過做gym！」他更透露《戀愛BB班》會收錄於 9月26日推出的首張個人實體專輯《C Major》，預告會集結他一路走來的創作作品。《戀愛BB班》已在各大音樂平台上架，ＭＶ亦可在YouTube收看，見證 Michael C和Idol Girls帶來的青春熱血火花。
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
