Tyson Yoshi對於被封為「新四大天王」秒速落閘，自言只是四大甜品。(娛樂組攝)
Tyson Yoshi今晚(10日)現身西九出席名錶品牌150周年慶祝派對，他接受傳媒訪問時自稱只是顧客，「完全唔知點解受訪，我係VIP，不過來都來了，訪兩嘢啦！」他笑言，歡迎送錶作酬，「靚錶唔嫌多！」談到早前在Threads被冠以「tamagotchi」、「tiramisu」稱號，他說：「T字頭都關我事，好彩啲人講嘅時候都諗到我，如果人哋講完，都唔知嗰個係邊個，就尷尬喇。其實冇乜所謂，私下都有friend叫我做tiramisu。」原來「Tiramisu」的來源是網民討論「依家香港四大天王」，入圍的還有姜濤、MC張天賦和tiramisu，尚餘一位人選，不過，當提到入圍「新四大天王」，他秒速落閘：「唔好咁講，一定俾人插死，我係四大甜品，唔好搞我，真係手下留情。」接著他又拉林家謙落水，「仲有一個咪林家棟，我見留言寫，我覺得林家謙機會細過林家棟，不過就唔好提家謙啦，又係佢，好悶。」不過，接著他又提起「老best」的IG story：「佢一定接咗洗衣珠廣告，老奸巨猾，我睇通晒佢啦！」
提到早前打風，他與關智斌(Kenny) 一起做Gym操肌，他形容兩人是「Gym Budddy」，他大讚Kenny大力，舉鐡重量跟他相近，「我哋出奇啱傾，其實佢都幾大，同我差唔多。」問到他跟Kenny誰的胸肌較大，他就禁不住沾沾表示，「佢都唔細，但冇我大！」玉於可有機會在台上battle，他耍手擰頭，但半說笑指這是好開始，附合令到娛樂圈污煙漳氣的目標。
另外，Threads「新手」宣萱近期在網上非常活躍，Tyson直言很想跟對方互動，對於宣萱「坐熱氣球」贏盡香港人心，Tyson自言原本有機會在熱氣球節的演唱，但因颱風取消，不過他就沒想過要坐熱氣球：「我畏高，如果有offer，我都心領，如果畀offer我，可能係逐米計錢，大家都係想睇我點驚啫。」
最後，提到早前幫老婆Christy賣車，他表示交托朋友代勞，故不知買方身份，「我通常俾friend處理，因為投車牌或買車，如果見到我一定唔會減價。」他以投買車牌為例，「如果投票見到軒公，我一定抬高個價，玩玩都好。」他自言對舊車有點不捨，但考獲棍波牌，才變賣自甲波。
ADVERTISEMENT
立即更新/下載AM730手機APP 體驗升級功能
