VIVA成功召喚FFx成員Christy齊跳《Sugar Baby》。
VIVA的「女團聯乘企劃」繼As One、Super Gir及HotCha後，應網民強烈要求，終於召喚到MK Pop「傳奇女團」FFx成員Christy出山！VIVA更與Christy一齊跳返FFx成名作《Sugar Baby》。
Christy還原當年拍《Sugar Baby》MV真相，反擊坊間指900蚊拍MV的說法，她表示：「我當時係放學趕過嚟，化完妝一出去，嘩！所有嘢望落去好犀利，set晒路軌、set晒cam，係低成本製作嘅，我完全承認，但係啲人話900蚊拍MV，我就唔知邊度聽返嚟，900蚊拍到啲咩？可能化一個妝？我都唔知。」講返當年15歲入行做女團，Christy話純粹覺得「好似幾得意」就去試，坦言完全不後悔，「我哋完成晒所有女團里程碑㗎！出咗歌、好多fans、唱tour、開演唱會，每一件事都對我嚟講都好有意義！」
Christy反擊當年以900蚊拍《Sugar Baby》MV的說法。
講到最辛酸時期，Christy指曾經要對住空氣表演，「得一兩個人經過會停留，但佢哋唔知我哋係邊個。」但最感動是一次到演唱《Sugar baby》，唱到副歌時竟然全場大合唱；到大學表演時，一話影大合照，全部學生衝到台上，「咁仲有乜嘢好唔開心呢？原來我哋唔係好差咋喎。」
現在重看當年MV，Christy話完全不尷尬，並稱：「有啲情意結嘅，呢首歌唔係一首歌，對我嚟講係好重要嘅嘢，冇任何嘢可以攞得走呢件事。」她眼眨淚光隔空跟FFx其他成員喊話：「⋯⋯ 如果你睇到呢條片嘅話，我希望你哋睇到呢條片嘅時候係幸福嘅回想返我哋以前嘅經歷。」VIVA的「女團聯乘企劃」來到最終章，VIVA坦言製作這個女團聯乘系列，從中學習很多、亦感受很多，「佢哋經歷過嘅、分享過嘅，都係我哋而家正正經歷緊。就好似我哋首歌《不夠浪漫的我們》，女團從來都唔容易做，但團魂永遠都喺度。」
ADVERTISEMENT
20周年「全城撐本地消費3重大激賞」！ 即睇活動詳情！
