獲義載往下一站追巴士的港媽，事後在網上張貼搭的士的照片，讚揚司機「實在係型到爆呀」。(facebook群組「車cam L(香港群組)」圖片)
在交通情況多變的香港，錯過一班巴士可能只是幾秒之差。有港媽今日在觀塘與小朋友追巴士不遂，起初都已「打定輸數」，未料一輛市區的士突然駛近招手，豪言「上車，我車你去追巴士！免費」，最終成功在下一站趕上原本要搭的巴士。港媽形容這位的士司機「實在係型到爆呀」，還戲言登上巴士一刻有種踢館的感覺。
▼網民分享及留言逐格睇▼
的士司機：我睇住佢，咁都得？
發帖的港媽今日在觀塘道觀塘法院外的巴士站，與小朋友追趕一輛九巴215X線巴士，可是跑到車門一刻車長剛好起步駛離巴士站，「我除咗O嘴都唔識反應。」其時，一名的士司機突然叫她上車，表示免費接載她們到下一站追巴士，「上車，我車你去追巴士！免費！離晒譜啊！我睇住佢，咁都得？」港媽最終在的士司機仗義出手下，成功趕至下一個位於觀塘道創紀之城附近的巴士站，登上剛追趕不遂的215X線巴士，又戲言「一上215X，踢館一樣的感覺，哼！飛阿姐站？！」她並上載的士的車廂照片，感謝熱心的吳先生。
帖文發出不足兩小時，已獲得超過1,500個讚好或其他表情回應、過百則留言。有網民大讚「的士業界裏邊，仲有啲敬業樂業嘅好司機，只不過比例比較少」、「呢個世界，行行都有好同唔好嘅人」、「我一直覺得仲有好既的士司機，唔係個個都衰」，也有人表示「諗起個畫面都覺得好搞笑同好正。」此外，有人就討論追巴士不遂的一部分，「(車長)比你上車一陣又學1A咁撞咗，司機上身，你拍下屎忽就走，好老實人地(哋)都係打份工，埋過站就算數」、「215X咁密車，飛站冇咗下一班就算啦」、「追巴士非常危險，好容易跌親。下次預多d(啲)時間等車。」
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
