2025-09-08 15:58:06

旺角潮流特區全層圍封多年網民嘆「MK聖地」沒落獻計轉型｜網上熱話

旺角電腦中心早前被發現十室九空，大量店舖已拉上閘門或貼出招租告示，昔日人頭湧湧的「腦場」淪為「死場」，近日旺角再有另一個商場成為熱議話題。有網民在社交平台分享旺角潮流特區3樓全層圍封的照片，勾起無數人的集體回憶，感嘆昔日「MK聖地」如今亦恐步向死場命運。

近日有網民在社交平台Threads分享旺角潮流特區3樓全層圍封照片，可見扶手電梯被圍封，及掛出「3樓商場全層招租」告示，引發熱議，網民慨嘆「一個時代終結」，並有人指出「2019年初已經封閉」、「封咗起碼7-8年啦，趕晒個層個幾間嘢走」、「我一個月前行過9成吉位，點解攪成咁」，有網民引租客指，業主2018年曾計劃整層租予大型連鎖店或改建健身房，所以3樓所有店鋪將要全數撤離，惟最終均告吹，致長期空置。

有人獻計「轉做老人院」

有網民憶述當年「MK聖地」盛況，感嘆如今成「死場」，「當年新開時，上第二層因為打蛇餅塞足兩個半鐘，依家已經變成絕世死場，不勝唏噓」、「以前放學日日行，鍾意睇d日本文具精品」。亦有網民建議轉做Pop Mart或夾公仔店增人氣，亦有人獻計「做冒險樂園」、「轉做老人院」。

高峰期需人流管制

旺角潮流特區於1997年開業，位於周大福商業中心地庫至3樓，主打特色店舖、潮流品牌，現時以服飾、公仔、精品手飾及鐘錶為主，不少是美、日韓及歐洲品牌，是香港的潮流地標，2000年代初為喻為「MK聖地」，高峰期需人流管制。惟自2010年中受網購及消費轉變影響，近年各區商場及連鎖店增多，人流減少致空置率上升，2018年3樓已十室九空，2019年初全封至今。