有食客不滿食肆連自助二維碼落單也要收加一服務費。
現時本港不少食肆都轉用二維碼(QR Code)落單，坊間食客普遍意見兩極。有市民近日到一間連鎖餐廳食下午茶，事後表示滿意食物質素，惟不滿「下午茶都加一，仲要自己落單」，隨即在社交平台發帖吐心聲。
▼帖文及網民留言回應▼
有留言稱取消加一會更吸引
據涉事的餐牌，事主享用的白咖哩豬扒飯下午茶價錢為58元，若連同加一服務費即63.8元。有同一群組內的網民坦言「除非非食不可，自己落單要加一唔幫襯」、「真心唔明，好多食肆自己落單，自己埋單都無加一，尼(呢)間點解要收加一，其實都係茶記，不如$直接加10％簡單D(啲)」、「食物價錢直接貴10%都冇咁谷氣」。
有留言都認同事主對加一服務費的不滿，「而家自助落單，有啲連倒水都自助，但加一照收」、「自己落單但要收加一，真心唔值」、「加一又叫服務費，請問你服務咗我啲咩？拎個餐比我呀？」、「取消加一！會更加吸引！」同時，也有網民認為事主分享的白咖哩豬扒飯確實滋味，「其實我都幾鍾意食」、「個厚切猪(豬)仲正呀」、「依個堅好食。」
黃傑龍誤貼QR Code上網「被點餐」逾二千元 慶幸一件事免損失｜Ray Online
ADVERTISEMENT
20周年「全城撐本地消費3重大激賞」！ 即睇活動詳情！
